10-03-2009, 01:04 PM
|
عضو سوبر
|
|
تاريخ التسجيل: Jul 2008
المشاركات: 492
معدل تقييم المستوى: 34
|
|
أما أنا بقولكم اللي حصل معايا بالتفصيل
رحت أمس ومتحمسه وأتفاجأت انهم تقريبا 30شركة مو أكثر ولا وحده فيهم أجنبيه
ولفيت وطول ماألف في الشركات أضحك لأن أغلبهم رحتها
رحت للشركة مااحب اذكر اسمها لان مدير الموارد البشرية جدا محترم بس مديره هو اللي شغال بالواسطه
وعللى طول عرفني قلتله كيف في وظايف شاغره وانا قدمت عندكم قالي معليش اللي انقبلو اقل منك بس بواسطه قلتله اوك نصيب في الأخير
وبعدين رحت لصندوق الموارد البشرية
وشفت حريم واقفين هناك قالولي سجلي في الموقع وبالكثير شهر وأنتِ متوظفة لأن تخصصك مطلوب قلتله ياقلبي أنا مسجلة ليا 9شهور عندكم ومحد دق عليا
قالت مو معقول طبعا احرجتهم قدام الكل علشان يبطلو فلسفه
وكمان رحت لشركة بيت
وقالي نفس الكلام سجلي عندنا واكيد حتلاقي تخصصك مرغوب
وانا من قهري والله قلتله ممكن تعطيني جهازك دقايق واخذته ودخلت على الموقع وكتبت يوزري والباسوورد وقلتله شفت مسجله ليا سنه عندكم
ومحد أتصل طبعا برضو انحرج مني
اما مكتب تلاذ فماله داعي لان نفس الحكاية اتكررت مسجله ومحد دق
ورحت لشركة نسما وقلتله كيف طالبين شواغر لنفس تخصصي
ولم أتصل عليكم تقولو مافي وظايف وأستمر مسلسل الإحراج
وقدمت في وزارة العمل وعارفه ان التعين بيجي بعد 20سنه بس أهو عملت اللي عليا
وباقي الشركات لاتذكر يعني لان اغلبها مكاتب توظيف وكمان عبي الأبليكشن عن طريق النت وأنت ليش هاز طولك وواقف بالله علشان تقول الكلمتين هذي
وكمان اغلب الوظائف تسويق ميداني
الشركات اللي حسيتها جديه (شركة رضوى و شركة التموين العربي)
بنات انا ماكتبت علشان أحطمكم بس والله هذا المسلسل اللي حصل معايا
ولا تقولو شهادتي مو مطلوبه انا تخصص محاسبه وعندي E وحاسب كمان
والتوفيق من رب العالمين
روحو ماتعرفو فين نصيبكم
الله يوفقكم يارب ويوفقني ان شاءالله
|
حتى ابويا لما رحت لعندهم قال ايش بتتوظفي دجاجة
العرض العادي
