أكبر قهر لاجيـت تعشقلـك انسـان
واللي تحبه ساهـي ٍ مـا درى بـك


وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك


وأكبر قهر تبني من سنيـن بنيـان
وتشوف بنٌيـك مـا تعـدى ترابـك


وأكبر قهر تسقي من الورد بستـان
وتموت بين يديـك زهـرة شبابـك


وأكبر قهر تارد على البير ضميـان
وتشوف بعض الطين حايس شرابـك


وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك


وأكبر قهر ترهي على حصان خسران
يوم السبق لا طحت كل ٍ حكـى بـك


وأكبر قهر لاصرت ضايع وعطشـان
ونفس الطريق اللي يوديـك جابـك


وأكبر قهر صاحبك لا جـاك خـوٌان
لابحت له بالسـر راح ووشـى بـك


وأكبر قهر تعطـي وتعطـي علشـان
تاخذ عقـب كـل العطايـا حسابـك


كل ما سبق ذكره على الشوف ما كان
حفنة حروف ٍ مـع بعضهـا تشابـك


ماهوب هرج ٍ يِعجَـنْ بفـم وللسـان
ولاهوب عود ٍ يكسـره حـد نابـك


إن كنت فيما قلـت تحتـاج برهـان
ناظر وتلقى فـي قصيـدي جوابـك


وإن كنت فيما قلت مخطي وغلطـان
أترك خطانا وأنـت عطنـا صوابك







م/ن

الله يبعد عنا القهر . . . ويجملنا بالصبر . . . يعطيك الف عااافية على النقل . . .

وأكبر قهر صاحبك لا جـاك خـوٌان
لابحت له بالسـر راح ووشـى بـك

اختيار اكثر من ممتاز يالعنزي
مشكووووووووووووووور

ابيات رااائعهـ
صح لسان قآيلها وتسلم يمين نآقلها
يعطيك العافيهـ ..
دمت متألق

وأكبر قهر تسقي من الورد بستـان
وتموت بين يديـك زهـرة شبابـك

وأكبر قهر لو مابوح لك بذوووقك يالعنزي
وربي انت ذووووووووووق
أبدعت بالإختيار
تقبل مروري

ماااااااااااا أأأأأأأأأأأذوقك يالعتزي

اشكرررك على هذي لابيااات الروووووعه

دمت ررررراااااااااااااائع ......