قصيدة للشاعر : سلطان المطيري في مسابقة شاعر المليون وقد أغضبت هذه القصيدة اللجنة وجاراها العديد من الشعراء مابين مؤيد ومعارض ,,!!


[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/22.gif" border="groove,4,silver" type=0 line=0 align=center use=sp num="0,black""]
من عاصمة دار الكرام اليمامة=اطلق بنات افكار شعري دواوين

بصدح بصوتٍ يصطفق في تهامه=ويردّلي صداه موجك يا دارين

دارٍ ليا جا المدح فيها فخامه=الله يخليها لنا قولوا آمين

وانا أعرف الدرب والإستقامه=والشعر ماهو بس ضمه وتنوين

الشعر ابعلن ثورته وانتقامه=وادري كثير الناس ماهم براضين

الشعر راقي بس قل احترامه=وانا احترمته في صدور وعناوين

مدام روض تروّضه في لجامه=واللي بعد قاسين ماهم بقاسين

وبضرب مثل عن اختباء النعامه=مابين ابين ..وبين مابين .. وابين

واببحث اسباب المرض وانفصامه=وابركي المخطر طبابه وتمكين

الشرنقه لوما كبابه كلامه=لاكان قلنا من فروخ الشياهين

مسربٍ شبحه ومرخى خطامه=ياصف على المهدي بليا براهين

لاشك ضاع وضاع منه التزامه=وامسى يحب ايدين ويصافح ايدين

ببين الواقع واكب الوهامه=واذكر الناسين عن فارس الطين

دوّر سلامه يا مدوّر سلامه=دام الخطوط تصب في خط برلين

في شهر ذالحجه وكلٍ حرامه=لفّه على متنه ولله ملبين

وانتم على منتم وكلٍ نظامه=في مسرحٍ سارين ياليل يا عين

واللي يجي في درب لوم وملامه=لابد له من خطٍ احمر وقوٍسين

وانا بحدد كل شخص ومقامه=لا صار ماله غيرةٍ مع هل الدين

غيرة وطن ماهي بغيرة هلامه=اللي جماهيره بناتٍ مزايين

ويا ناشدٍ سلطان تنشد علامه=ادري سؤالك سيف والسيف حدّين

وجهة نظر ولكل رجلٍ مرامه=وانا ليه وجه ولاهو بوجهين

تقول يا سلطان ذب العمامه=شارك وخذ لك سجةٍ مع هل العين

ابشر بكاشٍ يجبرك بإستلامه=حاضر بحاضر جاك ماهو بعدين

عن شاعر المليون جزنا شهامه=شيمة عرب تبقا على العسر واللين

وعن بو ظبي عندي طعوس الثمامه=تسوى دبي وابراجها وام قيوين

ياشاطي الراحه سمينا قرامه=جوايزك من صرف خط المساكين

وش عاد وااللجنة مسج واستلامه=الله مغنينا وعنكم غنيًين

نسمى مادام لكل نبلٍ سهامه=ونصيب في مرمى الهدف والنياشيين

الجايزة.. جوايز اهل الزعامه=ماهو بمليونٍ عطاهم ملايين

آل السعود ان كان للمجد هامه=حكامنا بالعصر الأول وهالحين

اعلى شدادٍ قاضبينٍ سنامه=حلوين .. للحالي .. وللمر .. مرين

لاثارعج الحرب وارهى عسامه=للسلم .. سلم .. وللحرايب سلاطين

عدوهم عجزت تقلّه عظامه=يشرب قهر لوهو بخضر البساتين

ودخيلهم يرقد رغد في منامه=لو ان طلابه .. ابوشٍ وبوتين

وحنا .. ولانا قاضبينٍ زمامه=لا ما نبعيه لاجل رنجٍ وشيكين

واخر كلامي خاتمه في ختامه=الله يثبتهم على الحق والدين
[/POEM]

بسم الله الرحمن الرحيم:
أخوي الضيم شكرا لك على هذي الابيات لسلطان المطيري....وسبحان الله الغرب وصلوا المريخ وغيرها...ويعملوا مسابقات لتشغيل المخ في شي يفيدهم...ونحن مااهمنا غير المسابقات وواي دوله راح تفوز فيها وكلها ضحك على الذقون...والله لو كانت مسابقه من أحسن واحد في تلاوة القران وفي حفظه ماكان عملوا هذا الحدث الكبير....بس كل واحد يغني على ليله...........ودمتم.......وربي يحفظنا ويحفظ دولتنا...

(( آميييييييييين ))
توني شايف الموضوع ؟؟؟ هع هع ؟؟ صدقت اخوي جوري والله يرحم حكام دول الخليج وجميع اموات المسلمين بس لكل شي مسابقه في للقرآن وفي للشعر وفي للتعليم وفي وفي وفي وفي !!

قصيدة تعبر عن رأي شاعرها الشخصي