أروع القصائد

وقصائد تحمل في معانيها أحلى كلام

أتمنى لكم رحلة ممتعة عبر هذه الأبيات الرائعـ







.•. أكره طاري غيابـــــك !!.•.

يامرحباً عد ما أكره طاري غيابـك
يا واحد فيك عقلي يشبه جنـــــوني

قلبي .. وش اللي تبيه أشر بسبابك
نذر علي هقوتك ما تنثني دونـــــي

أنته حبيبي وأنا هم سيد أحبـــــابك
محد حضنته مثل شرواك بعيــوني

لك بسمة من نظرها يحسد أصحابك
ليتك تبسم لناس فيك لامــــــــــوني







.•. المتــــــــاهة .•.

جيتني كنك الغيمة بعين بـــــــــــــدوي
يوم هلت جرح بطن الوطا سيلــــــــها

جيت تطوي مسافات المفارق طـــــوي
مثل بدو طوت طول البطا خيلـــــــها

والله انك على طول المدى لـي خـوي
وأنت صبري بهالدنيا على ميلــــــهــا

إيه أنا الظامي اللي منك أبد ما روي
اسقني طف لوعة روحي وويلهـــــا

نارحبك كوتني في خفوقي كـــــــوي
ومهرة الشوق تجمح لك على حيلــها

الغلا بالمواصل والامل مستــــــوي
وظلمتك أشعل سنيني قناديلـهــــــــا




.•. صادق الوعد .•.

صادق الوعد لو دونك مسافة طويــلــة
داعي الحب يجبرني والبي نـــــــــداك

واتحدى الظروف اللي بوصلك بخيــلة
ما ترد الحواجز خطوتي عن لقـــــــاك

المصاعب على شانك تراها ذليلــــــــة
حطمتها مشاعر قلب عاشق رضـــــاك

كل مشتاق قلبه في المحبة دليلــــــــــة
أعطني صادق احساسك وروحي فداك



.•. على حطة ايدك .•.


أنا على حطة يدك ما تغيــــــــــــــرت
بس انت قلي وش سبايب غيــابـــــــك

نسيتني والحين يعني تـــــــــــــذكرت
وإلا الهوى من دون تدري مشى بـــك

وإلا على خل يحبك تكبــــــــــــــرت
وإلا زمان كان ضدي غدابــــــــــــك

أعاتبك من كثر ما فيك فــــــــــــكرت
وعقب العتب من كل قلبي هلابــــــك


عسى ان تنال اعجااابكم ؟؟