السلام عليكم

يااخواني بالله عليكم شورو علي.. لو انتوا في مكاني ايش تختارون؟

انا اشتغل بوظيفة براتب معقول لكن للاسف عندي مشاكل في العقود يعني تحتاج الامور وقت عبال ماتتحسن وانا انتظر الفرج. بس انا في هذا الشغل مرتاحة ولي مكتب خاص يعني عندي خصوصية واقدر استأذن واخرج وقت مااكون مضطرة يعني مايقعدولي وين رايحة وين جاية طالما انا استأذن منهم. واللبس عادي مو موحد.
لكن بعد فترة صديقتي سابت شغلها في مكان ثاني وقالتلي تعالي انتي مكاني وفعلا جربت حظي واعطتني المديرة موافقة مبدئية. الراتب صراحة اعلى والعقود احسن من اللي في شغلي. بس المشكلة ياناس ان المديرة هذي وحدة متسلطة وتنافخ وماتحترم الموظفات هذي سمعتها الكل يعرف عنها كذا غير ان مافيه خصوصية في المكتب كل شئ اعمله يكون قدام وجه المديرة يعني اعصاب في اعصاب. غير الكرف شئ مو طبيعي. ووتقعدلك على الرايحة والجاية. واللبس موحد يعني تعقيد. قولولي ايش اعمل انا استخرت واحس خايفة اتسرع واندم شورو علي تكفوننن. والسموحة على الاطالة

أصبري وأدي عملك بأمانه وأنتهى وقت اللانظام والله يوفقك

الله يينك بس شنو الخيارات مالتك

مرحبا دار القلوب والله صابرة والحمدلله وقت الشغل شغل بس ماابغى احد يكتم علي انفاسي بكرف ومعاملة سيئة الله كريييييم

اختي عسل النحل هي مشكلتي في شغلي الحالي العقود يعني مافيه استقرار وظيفي من ناحية العقود الا انا مرتاحة فيه

ماحد مرتاح بمكانة ياخية , انا وحدة ماجاني تقدير على كل الا عملتة في قسمي بس لاني كفؤ بمكاني نلت تقدير من المنشئة ومكافئة اكثر من زميلاتي واكثر من مديرتي بس اقولك سنتين وماني مرتاحة في اقرب فرصة طبعا احسن فرصة راح اتركهم مايلزموني , ابي اتوصل الى ان الشغل يحتاج صبر وترويق ومجاملة اذا لزم الامر عرفتي راح تتعودين على وضعك بس خلي لك هدف انك باحسن فرصة تطلعين

اخوي دار القلوب. انا باقي ماخرجت من شغلي مجرد قدمت اوراقي في المكان الجديد لكن صديقتي ماتركت المكان الا لان المديرة طفشتها. وبصراحة انا سألت عن المديرة هذي اكثر من وحدة وكلهم تقريبا قالوا نفس الجواب: شرسسسسه والكل يخاف منها.
بالنسبة لمكاني الاول بصراحة مااضمن الاستقرار فيه وممكن الشغل كله يتفركش لو ماتعدلت الامور بس اني مرتاحة فيه كطبيعة عمل.
بالنسبة للتعامل الحمدلله دايما احب اطور نفسي في شغلي وتعاملي.
يعني افهم من كلامك اخوي اني انقل للشغل الجديد؟

اختي عسل النحل
ايش فايدة الراتب العالي على خنقة وتعامل سئ؟ انتي ودك تطلعين من شغلك لانك مو مرتاحة فيه مثل ماتقولين طيب كيف انا اشتغل فيه؟ والله محتارة!!!!!!!!! يعني رايك اني ابدا في المكان الجديد اختي؟

الراااتب مو كل شيء اختي .. الاهم راااحه البااال ...

اذا رااتبك طيب وفي من شغلك الحاالي خبره وفااائده فحاافظي عليه ...

افضل بكثير من انك تتعاملي مع مديره متسلطه لا تحترم الموظفااات وغير الكرف ووووو

هلا اخوي فعلا الراتب مو كل شئ انا حاسة بخوف حتى قبل ماابدا اجل كيف لو بديت وانا راتبي معقول ومكفيني بس المشكلة مافيه استقرار وظيفي الله كريم