موضوعي المطروح هو مهم ونحن غافلين عنـــه ، لانستطيع ان نعمل

بكل واقعيه على ابرازه بالشكـــل المطــلوب وهــــو سؤال في موضوع ..

لمـــــــــاذ القنوات الــسعــوديـــه الأولي والثــانيــه والأخبــاريه والرياضيه

والصحف المحليـــــــــه تتجـــاهــــل وجــود عاطلين وعاطلات سعوديين ....؟؟؟

العاطلين الجامعيين في اخــر أحصائيه وصلــو إلى 40 بالمائـــــه ..

والعاطلات السعوديات من خريجي الجامعات والكليات وصلت نسبتهم إلى 70 بالمائه ..

مــؤشــر خطيـــر في نسبة البطالـــه التي تقتــل طموحات الشاب او الشابــه وتهبط من

عزيمتــه في العيــش بحياه عمليــه يــؤمن من خلالها مستقبـــله ..

عندمـــا تشــاهد والــلأسف الشــديد (( القنوات السعوديــه )) فتجــد البرامــج السخيفه

والبعيده عن واقع المواطن فالمهم هــو كيف نحارب (( السوســـه لكي لاتــنخــر النخله ))

ولــم يعلمــو ان البطاله هي التي تنخــر بجســد المجتمع ، وتــخرج شباب وشابات

أصابتــهم (( امراض نفسيه ، وقــولون العصبي من جراء مايشاهده من ظلم الواسطــه ،))

اتمنى اي عــاطل قأرئ لهذ الموضوع ان يقوي إيمانه بالله ويتسلح بالصبر ..

نحن لا نستفيـــد من برنامج الفروسيـــه ، ولابــرنامج التخليل الرياضي عندمــا يجتمع

خمســه اغبيــاء ويناقشــون وضع الكره الجلديـــه اليــوم وغــداُ ومن بطوله إلى بطوله

وحديث كثيـــر (( قرقر كثيــر )) عن شي تافــه وسخيف فبالله عليكم ماذ استفدنا من البرامج الرياضيه والكره عمومــاُ ..؟؟؟؟؟؟؟؟

وحتــى برنامج (( 99 )) لـــلأسف صلاح الغيدان لم يناقش موضوع البطاله ...؟؟

هــل هذا الموضوع هو خــط احمــر ...؟؟؟؟؟

ولنــذهب إلى الصحف السعــوديـــه تناقش أثر الازمــه الاقتصاديــه على امريكــا

ونحن في أزمــه اجتماعيه ونفسيه خطيره وهي تراكم العدد الهائل من خريجي الجامعات

وعدم تــوظيفهم وتجــاهل قضيتهم في طرحهــا على المسؤالين وعلى القضاه والمشائخ

بــل فتحت صفحــه الاخيره لجريدة الوطن وجــدت الكاتب صالح الشيحي ..

مــاذ يقـــول ..

بعــد ان وجــه تهنئه قلبيـــه إلى مسؤال كبيـــر في مقــاله أردف في الاخيــر بقوله

عن التــاكسي يقول :

امشــي على الارض ولا اركب مع سواق تاكسي سعــودي ..

انتهى حديثه

عقليــه مــريضــه من كاتب كان عليــه ان يشجع تلك الفئه العامله من الشباب السعودي

فبعــد ان مــدح المسؤال الكبيــر في أول مقــاله .. اتبــعه بسب العامل السعودي الذي لربما

تكالبت عليــه ظروف الحيــاه ولم يجــد وظيفــه واشتغل هــ المهنه الشريفــه ..

المشكــله الكبيــره هي وجود كتاب (( منافقين )) ليس لهم هــم الا مــدح المسؤال

الكبيــر لكي يتقــرب له امــا (( بشرهه )) او (( يمنح له تذاكر مجانيه )) او (( يسهل له

في اموار الدنيــا )) لكــن اهم شي يلمع الصوره ولا يعكس واقع وعمل تلك الوزارت

او ذلك المسؤال ..

هــذا إعلامنــا هو جــزء من دوائر حكوميــه الرجل الغير مناسب يأتي في مكان

الغير مناسب له لأن (( الواسطــه )) وضعته في هذا المكان ...

دمتم بخير

بقلم بربيكان تفاح

الدنيا بالوجيه والآخره بالأعمال
الله يحاسبهم إنشاء الله

ياخوي خليه على ربك
ماقول غر حسبي الله .......والنعم الوكيل
الاجانب

معليش..
كلش ولا صلاح الغيدان والله اقدر ذا الرجال ولا احب يغلط عليه........
ويكفيك انه هو الوحيد اللي يناقش هموم الشباب والبنات بجدية.

تقبل مروري ولا تنزعج

معليِش,,,,,,,
كلش ولا صلاح الغيدان والله اقدر ذا الرجال ولا احب يغلط عليه....
ويكفي انه هو اللي يناقش هموم الشباب والبنات بجدية.


تقبل مروري ولا تنزعج

موضوع فعلا مهم..
ويسلط الضوء على جهة تعتبر لها صدى كبير بمجتمعنا..
بربيكان تفاح خليها على ربك بس

والله انك جبتها على الجـــرح
وكل كلمة تدل على معنى وهموم كل عاطل


فهناك وزير الالم عفواً وزير العمل
يطلق تصريحاته على كيف كيفه
صاحب الشعر والقصص المرتوية سماجه << تذكرون ابو شلاخ البرمائي

وش خليت للشباب كان صاير شاعر ومكتفي بنفسك كان خليت القصص والروايات لشخص اخر من هذاالوطن وخليت منصب وزير العمل للحفاظ على الحس الوطني وحب الخير لغيرك -

والله في بالي كلام وكلام بس لاتشكي لي ابكي لك


مصيبتنا تدري وين
انا اعتبر اللي معاه ثانوي ماهو عاطل
مصيبتنا ناس معاها دبلومات وبكالوريوس وشهادات ماهي لاقية وظيفة
وهذا يصرح ماراح نصرف اعانات للشباب العاطل علشان يتحرك يدور وظائف << هو لاقي اساسا وقايل لا ..؟؟



اقسم بالله مايقهر الواحد الا ان اهله حاطين املهم بولدهم يدرس ويدرس وبالاخير مايلقى وظيفة وش شعورك وانت بهذي الحالة بدل مانت تعطيهم وتخفف حملهم انت تاخذ منهم وانت مستحي ومالك وجه


خلها على ربك اذا الموظف العادي مو لاقي اللي ياكله من قل الرواتب فما بالك بالعاطل عن العمل ولا هو بكيفه !!؟؟

نقطة اخيرهـ
ياكثر التعليقات من اشخاص في صحف او منتدى او غيره
يتفلسفون ويقولون ماني مصدق ان فيه بطالة لدينا ..!!

الجواب لانك عايش بجوك وماتشوف الي تحتك ولا تدري عنهم اساساً
فتفلسف على كيفك وربك حسيبك



يمكن طلعت برا الموضوع شوي
لكن الهدف واحد


يعطيك العافيه على الموضوع

تدري ليه الاعلام ساكت وبعيد عن مشكلتنا ؟!!
لأننا للاسف احنا ساكتين على حالتنا
انا لو كنت مسؤول في القنوات السعودية ماراح اناقش مشكلة البطالة لأني بصراحه ماراح احس فيها لأن كل الامور من حولي تسير على مايرام والعاطلين ساكتين وراضين عن وضعهم والدليل ماسمعنا بأي مطالبات او محاولات لإستثارة الرأي العام
والاعلام دائما يبحث عن الحدث ليسلط الضوء عليه
واذا شعر بأن هناك شباب يطالبون بحقوقهم ويتحركون من خلال الجهات الحكومية المسؤوله راح يغطي الحدث ويكون معه

تحياتي لك اخ بربيكان والله مقال في الصميم وياليت فعلا يثيرون مشكلة البطالة الا يكفيهم الشباب الذين انتحروا بسبب البطالة والله ملينا من سباق الخيل وملينا من الجنادرية لا ترا في قناة خاصة بالجنادرية جديدة بعد اما الكورة والرياضة فكنا كفاية اللي صار لفيصل ابو اثنين هههههه والاولى والثانية لاحياة لمن تنادي وبالنسبة للصحفيين ماعندهم سالفة الا قيادة المرأة والبورصة خلك منهم ماعندك احد وصلاح الغيدان مجرد مقدم برنامج وش بيده الكلام على اصحاب القرار الكلام على وزير الخدمة المدنية الذي حجب 200 الف وظيفة العام الماضي تخيل وش كان سوت المئتين الف وظيفة لا وحكومية بعد لكن الحمد لله بيسحبونه اعضاء مجلس الشورى الجدد الذين كشفوا هذا التلاعب من المسعولين