بسم الله الرحمن الرحيم

يابنت ماني للمزاين جذاب
شكلي كذى ولا قصيدي عذوبه
أتعب لبني البيت وفتل للاشناب
ون مر للعريف ماعذربوبه
يا بنت أنافي الشعر يحسب لي حساب
شعري لي مر العرب سولفوبه
أفتحلي ابواب وسكر لي أبواب
وسج في التفكير نوبه ونوبه
واجيب شعرن ما بعد كتب في كتاب
ولامر بلاسماع ولا فكروبه
امرار نمدحبه عزيزين الاصحاب
ومرار يم النصح نرجي المثوبه
ومرار نشرهبه على بعض الاقراب
شرهت وفا ماهيب شرهت عقوبه
الطيب ينوله من الشعر ماطاب
وراع الردا بتركه مبغا ذنوبه
ماني بشماتن ولاني بشذاب
من شاف عيب الناس بانت عيوبه
ومرار في دنيا العنا والتقلاب
ومرار في مزنن تراكم نصوبه
ومرار نقصدبه على جمع الاحباب
وبيوت يم الوالدين محبوبه
اليا ذكرت يلى للمجاد كساب
كلن يقول الشعر هذا وجوبه
ولا لي على المقفى مشريه وعتاب
من صد عني ما تلزم جيوبه
من لايبينى ما نشته بلاسباب
دربي سماح ولا عليه بدروبه
ومن هاجسن فى موقف الشعر ماخاب
لاحان وقت الشعر هبت هبوبه
جتنى على المعني وفسرتها خطاب
لااهل العقول الفاهمين محسوبه
ولي حدني صوب القلب بحراب
غرون تعدني ولا كنت صوبه
وسلامت الي من هوا الزين منصاب
وبقى العرب رعى الهوا مادروبه

الشاعر
عايض مسعود ابن غازي الشلوي