بسم الله الرحمن الرحيم
السلام عليكم ورحمة الله وبركاته
اشكر اختي الاياوقت على اختياري وان شاء الله اقدم ماهو كفيل باخراجي من هذا السجن
الادبي
هذه قصيده لأخي الاكبر سعد واتمنى ان تنال اعجابكم
يافكري العالي تريض على الهـون
قبل الحروف تجيب مضمون الآفكار
لو غبت مثلك في خيالـي يمـرون
ويردني تقديـر وافيـن الآشبـار
صبرك على ناساً بحقـك يزلـون
تحسب عليك احيان والوقـت دوار
ياكبرها لاجت على غيـر قانـون
وش لون لاجتك الكبيره من إصغار
أهـل النقـى عاداتهـم مايزلـون
دايم لهم في صفحة العـز تذكـار
والا ردي الساس من دون في دون
وش تحتري من منبع الذل والعـار
والله لولا نـاس عنـدي يعـزون
ناساً لهم بالبـال شيمـه ومقـدار
لرجعـه لصلـه واسلمـه كرتـون
وأحط فوق إلباسه اختوم وأشعـار
من شأن كل الناس بالعلم يـدرون
إن الحيود حيـود والفـار حفـار
قلته وانا للطيب والجـود مديـون
وال لطمة العايل معي سيف بتـار
اعتـز بالـي للمعالـي يهيمـون
وارافق اهل العرف والطيب والكار
ولايوم فكري بالخطا صار مقـرون
لو كنت بعض احيان بافكاري احتار
احتار لاجتني من الصاحب اطعون
وابيع واشري في كثيرات الآشوار
لاكنها تصغر على الفكـر وتهـون
ياصاح لاجتك الكبيره من إصغـار
وسلامتكم جميعا
وانا اختار أختي احساس القلم
23-03-2009, 12:32 AM
العرض العادي
