سمعت هالقصيده وأعجبتني
وحبيت انقلها لكم





للشاعر (( سالم البدوي ))

كل شبر بهالوسعيه ملك ربي تعلمين

وأعلم إن اللي خلقني هو خلق لك هالعيون

لكن أنتي من جلستي وأنتي فيني تحدقين

كن ما به ناس غيري بهالكراسي يجلسون

لو سمحتي عاد سمعي وحتى لو ما تسمحين

المهم اللي بقوله تسمعينه ويسمعون

ع الأقل ليا نظرتك سوي روحك تستحين

غضي طرفك مثل غيرك خوف ربعي يلمحون

الركادة عاد زينة والحياء في البنت زين

وفيك آزم لا ركادة ولا حياءٍ يذكرون

تعرفيني أعرفك؟ ما أذكر إنا ملتقين

لا أعرفك من تكوني ولا تعرفي من أكون

وإطمأني أن كان قصدك بس فيني تشبهين

ما هو أنا اللي تعرفينه والبشر يتشابهون

ما دريتي من التشابه يخلق الله أربعين

وأعرف أربع يشبهنك بس والله يستحون

وإن كان قصدك شي ثاني عاد قولي وش تبين

خايف إنا نصير فرجة واللي ما أشتروا يتفرجون

وإذا ع البال عاجبتني لا يحوشك تحلمين

صج ربعي من جمالك فيك صار يمدحون

بس وش لي في حلاتك دام فيها ترخصين

حشمة البنت وحياها والكرامة يلفتون

ولو توفر فيك هذا مع حلاتك تبشرين

ما هو أنا ألف غيري باب بيتك يطرقون

وش علامك رغم كل اللي أقوله وتسكتين

مو طبيعي هالسكوت وهالبرود وهالسكون

إنتي خرسا أسألك ولا مانك تسمعين

قالوا ربعي ذي كفيفة قلت لا لا تمزحون!!!

لين شفتك يوم رحتي يمسكونك باليدين

ما دريت إلا عيوني أربع أربع ينزفون

آه ياني منه مشهد يوم شفتك ترحلين

جيت اشوف عيون ربعي لقيت كل يدمعون

قلت سنّة هالحياة وحن ترانا مؤمنين

الله اللي مسيّرنّا بين كاف وبين نون

وكل أبونا نختلف مع إننا من أصل طين

سبحان يلي مصورنا ولله في خلقه شؤون

يعني حنا كل أبونا عاد إسمنا بنادمين

وليا قضى ربك أمر وقال له كن فيكون

فينا يلي رازقنه خير رب العالمين

وفينا يلي هو لعطفه بحاجة القلب الحنون

وفينا يلي ما شكى من علةٍ كالآخرين

صمٌ وبكمٌ وعميٌ فهم لا يفقهون

بس قليل عاد فينا للنعم هم شاكرين

والله يرزق هالخلايق من حيث هم لا يعلمون

وتدري عادك يالكفيفة حن تراى متشابهين

وإن ما عمت أبصارنا لقلوب أهم إليعتمون

يالكفيفة يالعفيفة إن قلت آسف تقبلين

يغفر الله ذنوب عبده ليا خطا وهل تغفرون





الشعر يرمي إلى أهداف عظيمة

الرجاء من الكل وخاصة البنات القراءة بتمعن
وكمان الأولاد


ومن هنا
أوجه نصيحة لكل الفتيات
أن يكونوا مرتدين حجاب الحياء والعفة والكرامة عند دخولهم للمنتديات وفي الخارج
تدرين ليه لأنك والله أغلى بكثير مما تتصوري وما في أحد في الدنيا يستحق يشوف ظفرك إلا بالحلال
إنت غالية
إنت مسلمة
إنت طاهرة
إنت عفيفة
إنت ماأحد يستحق يشوفك



وجزاكم الله خير

لو سمحتي عاد سمعي وحتى لو ما تسمحين

المهم اللي بقوله تسمعينه ويسمعون

يعطيك العافيه

الله يوفقكم جميع وشكرا لكم على المرور واسأل الله عز وجل ان يحمي بناتنا وبنات جميع المسلمين

أشكرك اخي على النصيحة الأخوية وعلى القصيدة الهادفة ,,,اللك يكثر من امثالك

جزاك الله خير ع هالنصيحه اختيار جميل ورائع..
صح لسان من قالها..
وسلمت أنامــــلك على هآلاختيار الرآئع..
دمت بخير..

قصيدة جميلة ورااااااااااائعه وفيها اهداف اجتماعية

الله يوفقكم جميع وشكرا لكم على المرور

والله يرزق هالخلايق من حيث هم لا يعلمون

وتدري عادك يالكفيفة حن تراى متشابهين

وإن ما عمت أبصارنا لقلوب أهم إليعتمون

يالكفيفة يالعفيفة إن قلت آسف تقبلين

يغفر الله ذنوب عبده ليا خطا وهل تغفرون

الله يعطيكـ العافيه أخوي أبو نايف وكثر الله من أمثالك