السلام عليكم ورحمة الله وبركاته
كيفكم عساااااااااااااكم بخيررررررررر
بيني وبينك..انا وانتا خبصنا في الترم الاول والنسب ماهي المطلوبه خلاص نشد يالله والترم التاني فرصة للتعويض.... واثبت للكل انك الافضل

::
::

*بيني وبينك ادارة المنتدى تاعبه حالها وعامله مسابقة علشانك ....الكلام دا بيني وبينك حرررام انك ماتشارك ياا خي شارك وحسس الناس اللي اشتغلت واللي تعبت بتعبها وترا المشرفين مايشتغلوا علشان نفسهم بيشتغلوا علشانك

::
::

*بيني وبينك كل ماكثرت همومك وكل ما زادت مشاكلك راجع نفسك وشوف انتا فين مقصر والله اكيد حتلقى انك مقصر في حاجه مع ربك أو مع اهلك::

::

*بيني وبينك كبرنا وسرنا نحب وياقلبي على الحب والحنحنه اخر الليل والمسجات والشغل دا ...من دحين اقولك انا وانتا على غلط اوكي .. ياسيدي حب بكيفك ..بس انتبه تجر بنت الناس معاك للغلط والله اني حزنت لمن شفت اعزء اصحابي يسوي كدا طاح من عيني واحترامي لو قل والله ياناس هاذي اعراض ناس مو لعب ياناس خلوا في قلوبكم شوية خوف

::
::

*بيني وبينك ...انتي مو هوااا... عارف امك مو فاضية مع البيت وابوكي لاهي في عملوا والكل مشغول عنك ومو مالقيه احد يشاركك افراحك واحزانك يجيء يوم وفجأه تلقية ...تحبيه وتسير عاشقة مع مرتبة الشرف لكن انتبهي والله انتبهي تسمعي كلاموا يقلك تعالى نروح مكان كدا ولا كدا انتي اللي خسررانه والله انتي اللي خسرانه وحتبكي دم بعدين

::
::

*بيني وبينك عارف انك حبيتي وانجرحتي... لانو سابك ومشيء لاتقعدي تبكي وتوني وتدمري نفسك خلكي قوية وعندك عزة نفسك واذا هو باعك برخيص بيعي انتي بتراب والله ترا اللي تسوي في نفسك محيضر احد الا انتي انسي الماضي وافتحي صفحه جديده وعيشي حياتك بعيده عن الشيء دا و الله حترتاحي وافكرك بكره ان شاء الله يجي نصيبك وتعيشوا احلى ايام الحب وبالحلال والله مافي احلى من الحلال

::
::

*بيني وبينك الكل يتحسس من المشرفيين... طيب ليش ياسيدي؟؟ يقولك والله مافي الا حذف ومشاكل مع الاعضاء طيب يرضيك المنتدى يصير كلوا مواضيع مكرره ويتخرب شكلوا ودا يسب دا ودا ينزل كلام اهبل ودا يخرب بكيفوا وغني يالليل ماطولك ترا والله لو تجلسوا مع المشرفين حقون المنتدى مافي زيهم حلووين وشهادتي فيهم كلهم مجروحه::
::

*بيني وبينك سجلت في المنتدى حلووو يالله شغل رسائل خاصه دور في قائمة الاعضاء ويالله شغل...اوب ما اقدر ترسل الا بعد 150 مشاركة ..نشارك 150 مشاركة اش فيها ..شاركت وتقدر ترسل رسائل خاصه طيب!! ارسلة رسائلة اثنين ثلاثة ترا مو كل مره تسلم الجره تجيك عضوه تكون ماهي فايقتلك ترسلها تقوم تبلغ ادارة المنتدى ساعتها لامنتدى ولا رسائيل خاصه حنغنليك مع السلامة باي باي بالانلجزي قد باي

::
::

*بيني وبينك احنا اخوان ومع بعض في الحلوه والمره والله اذا كانت علاقتنا اولاد ولا بنات علاقة اخوه واحترام ترى والله حيسير المنتدى زي بيتنا الثاني اللي نتشارك فيه مشاكلنا وهمومنا وافرحنا واحزننا ::
::

*بيني وبينك عارف انك طفشت وتبغا تقفل الصفحه بس والله لولا معزتك وغلاتك عندي ماقلت هذا الكلام



مما راقـــى لـــــــي

وشـــكـــرا لـكم