السلام عليكم ورحمة الله وبركاته

شباب انا حصلت وظيفة بعد طلعت الروح بشركة محترمة وعلى تخصصي وبراتب زين
واستمريت في الشركة حتى انهيت الفترة التجريبية والحمدلله كانوا مقتنعين بشغلي ولما جا وقت الترسيم رفعوا اوراقي لمكتب العمل بجدة حيث الفرع الرئيسي يقع فقالولهم اني موظف بشركة اخرى من فترة فاتصلوا علي الادارة من جدة وقالولي عالسالفة ورحت لمكتب العمل بالمدينة وقلتلهم السالفة من اولها لاخرها قالولي انت موظف
بشركة محمد وجيه سعودي بجدة على وظيفة كاتب شؤون موظفين مع العلم اني ماعمري اشتغلت بشركة غير هذه الشركة واول مرة اسمع بهذه الشركة وقالولي قدم شكوى باسم مدير مكتب العمل بالمدينة واحنا بصفتنا راح نخاطب مكتب العمل بجدة وهو
راح يخاطب ادارة الشركة ونحل المشكلة وراح ياخذ مننا فترة على بال ماننتهي من المعاملة او انك تروح للشركة وتاخذ اخلا طرف وينزلون اسمك من مكتب العمل بجدة وانا خايف انها تطير علي هالوظيفة .
الحين انا وش ذنبي يوظفوني بدون ماادري ويستغلون اسمي طول هالفترة ؟

سؤالي هو انا اقدر اطالبهم بمستحقات مالية او تعويض مادي مقابل هذا الاستغلال ؟
كيف الطريقة اني احذف اسمي باسرع مايمكن ؟

شباب ابي اي واحد يعرف هالشركة ولا موقعها ولا رقم هاتفهم يرسله لي لاني دورت عليها بالنت واتصلت على 905 ومالقيت لهم اي رقم .

تكفون ابي مساعدتكم اخوكم n.s

الله يكون بعونك


إن شاء الله تحصل الإفادة من الأخوان

الله المعين بس اظن سمعت احد مر بهالقصة من ؟ مااذكر

سلام عليكم ورحمه الله وبركاته

اذا ماخاب ضني طريق الملك عبدالله قبل ردسي مول على اليمين وانت رايح شارع حراء والله يعينك وانا اخوك

اخوي : مشكلتك بسيطة جدا ولا تحتاج هذا المجهود

اولا تأكد من هذة المعلومة : انك لم تقدم على هذة الشركة او احدى اخوانك او والدك سجل اسمك وان كان ما في احد ومتأكد ...

روح مكتب العمل بجدة وحط رجل على رجل واطلب منهم التحقيق واعطائك عنوان الشركة وان كان العنوان خطاء عليك ان تتواصل مع مكتب العمل من خلال شكوى تتضمن استغلال والتلاعب بأوراق ومستندات وتقديمها لجهه حكومية وتزير التوقيع ان كان هناك عقد وارجو ان تكون صورة من الخطاب موجهه الى وزير العمل وترسلها بالفاكس بس لا تنسى تحط جوالك في الخطاب وثق خلال يومين سوف يجدون المؤسسة وسوف تتوقف جميع اعمال المؤسسة وسوف يتصلون بك .

للأسف اخوي السعودة ليست توظيف سعودي محل اجنبي وليست السعودة شعارات يهتف بها للأسف هؤلاء الأشكال .. بل السعودة هي تفعيل ضمير المواطنة .. عليهم هؤلاء المرضى ان يتعلموان معنى المواطنة والوطن .

الله يعطيكم العافية شباب ماقصرتوا

اخوي فيصل انا مشكلتي عندي اختبار يوم الخميس بجامعة الامام بالرياض وابروح اختبر والله مافيني حيل مسكات خطوط اول الرياض وبعدين جدة الله يعطيك العافية على هالكلام اللي طمن قلبي