السلام عليكم ورحمة الله وبركاته

كيفكم يا جماعه الربع ...

بصراحه انا قدمت على شركات كثيره .. وشفت طرق توظيفيه لأغلب الشركات ..

بصراحه اغلب الشركات طرقهم عشوائيه ولا عندهم بروتوكول واظح للتوظيف .. خاصه الي ادارتها سعوديه << للأسف ..

مع ان طريقه التوظيف هي الي تعطي الانطباع الاول عن الشركه ..

الزبده

انا قدمت على شركه ( ISE ) وبصراحه تفاجأت بطريقتهم للتوظيف ..

مع اني ما انقبلت عندهم ولكن .. تمنيت اشتغل عندهم حتى لو ببلاش ..

طبعاً الاداره بريطانيه ..

اول شي بعد التقديم ...

اتصل علي واحد من الشركه وعرف عن نفسه وقال انت مقدم على وظيفه عندنا قلت ايه .. وبدأ يعرف عن الشركه ويعرف عن مجال عملهم والبزنس حقهم ..
وبعدين قال لي تسمح اسوي معاك مقابله مبدأيه على الجوال قلت له ايوه ...
سأل عن بعض المعلومات .. قال طيب .. المرحله الثانيه بتكون اختبار قدرات راح ارسل لك باقي المعلومات على الايميل ...

وبعدين فتحت الايميل وشفت راسل لي رساله فيها تعريف للوظيفه الي انا مرشح لها بشكل مفصل وعن الشركه ...

وفي موقع ادخل عليه وعطاني يوزر نيم بأسم وباسورد ... وموعد اختبار ..

فعلاً في الموعد دخلت وكتبت اليوزر والباسورد واختبرت .. اختبار كان صعب جداً ..

بس الحمد لله عديت ..


وبعدها بكم يوم اتصل علي قال لي مبروك عديت الاختبار باقي ( الانتر فيو ) .. متى يناسبك الوقت ..

قلت له ماعندي مشكله وحدد لي يوم الاثنين <== قبل ثلاث ايام ..

وارسل لي كروكي الشركه وموعد المقابله .. .

يوم رحت لهم دخلت الاستقبال شفت مجهز لي بطاقه خاصه ادخل فيها الشركه < طبعاً الشركه في كومباوند شركات مسلح ...

وبعدها لما دخلت غرفه الاجتماعات .. دخلو 4 بريطانيين وسعودي .. واول شي بدأو يعرفون عن انفسهم .. وبدأو يعرفون عن الشركه والوظيفه الي مرشح لها ..

<-- يا شيخ حسيت اني بشتغل ملك عندهم .. .

وبعدها بدأت مآساتي مع المقابله ... لسبب واحد ضعف لغتي الانجليزيه جداً ولهجتهم البريطانيه العصبه ...

وقالو لي بنرد عليك بس مدري متشآئم لان كانت لغتي ضعيفه و 70% موظيفنهم اجانب ..



ما ستفاد من الحديث ..

اتمنى الشركات الي ادارتها سعوديه ترقى في مجال التوظيف .. ليس بالعدد ولكـن بالكيفيه .. .

تحياتي واشواقي ..

للحديث بقيه

وين موقع الشركة

طيب كيف سجلت عليها

محميه الاسود <-- الشركه لها اكثر من فرع .. موقع الي سويت فيه المقابله في كومباوند شركات على ما اعتقد اسمه ( الشاهيين ) مقابل الجنادريه .

مذهل <-- قدمت عن طريق موقع بيت دوت كوم ... اذا عنك شهاده IT لا تضيع الفرصه ترى منزلين وظايف كثيره ..


تحياتي

مشكور يا عاطل في زمن جائر
وربي يوفقك

هلا اخوي انا قدمت عليهم ونادوني واختبرت اختبارين ( ENGLISH + TECHNICAL )
ثم ارسلولي اختبار على الايميل
وموعد مقابلتي الأربعاء القادم ..
ياليت تعطيني فكرة عن طبيعة المقابــلة ،، أو احد من الاخوان ،،

الله يوفقكم يا أخوان ..

بشكل عام المقابلة مع (البريطانيين ) يجب أن ترد على قد السؤال فقط لا تزود ولا حرف ..

هم يحبون الاختصار بلأجابات ..

مودتي

الف شكر يامجووودي بانتظار مزيد من المعلومات من الاعضاء الكرام

الله كريم