السلام عليكم اخواني...

قبل قليل جاني اتصال من مكتبة جرير وقالولي عندك مقابلة بكرا الساعه9 الصباح
طبعا جرير اللي بجدة فشارع صاري

المهم طبعا انا قدمت عليهم قبل اسبوعين غبيت استمارة ووديتها لهم المهم طبعا الوظيفة اللي مقدم عليها بائع كتب او بائع الكترونيات المهم الدوام جزئي لأني انا طلبت كدا

لأنو الصباح عندي وظيفة بمؤسسة خاصة من8-4 وطبعا دوام جرير يبدا من5-10
يعني بصراحة من جد مناسب ليا

لكن انا على حسب ماقريت فالمواقع وكلام الاخوان انو الدوام الجزئي مخصص فقط لطلاب الجامعات فأنا عندي مقايلة بكرا واكيد حيسالوني ليه اخترت دوام جزئي وش اقولهم

اخاف اقولهم انا ادرس بجامعه صباح او كليه يقولو هات اثبات او حاجه واخاف اقلهم اشتغل الصباح في مؤسسة فمايوافقو ان اوفق بينهم

فانا ابغا اللي جرب او بعرف ناس اشتغلووو بدي الطريقة ياليت يقلنا وارجوكم ساعدوني من جد ورطان وشايل هم

وبالنسبة للمقابله اش تتوقعون الاسئلة عموما..

وبصراحة في هذي الايام وظيفة وحدة ماتادي الغرض خصوصا اذا كان اهلية وبراتب2000 ريال يعني اش تسوي بهالزمن وخاصة اذ كنت ناوي تتزوج يعني 2000 من هنا و2000 من هناك 4000 نعمة كريم

واسف عالاطالة