قصيدة للشاعر : سعيد بن مقبل الأكلبي



[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/3.gif" border="groove,3,silver" type=0 line=0 align=center use=sp num="0,black""]
البارحه يوم كلٍ راح لفراشه=عيّنت هم الوضيفه ماخذ فراشي

الناس في حالها تمشي ومعتاشه=وانا على ذمة التحقيق منحاشي

اهل الوضايف صلاة الصبح غبّاشه=وانا على مرقدي كني بالانعاشي

كلٍ تجوّز واخذ له يا عرب باشه=واصبح مع الناس مبسوطٍ ومعتاشي

شريت لي غترة بيضا ودشداشه=واقبلت صوب المكاتب كني الشاشي

قال الموضف ملفك وسطه اقراشه=كسرة تميسٍ عليها الذر يهتاشي

صديت مابي سواليفه وفرفاشه=مانيب في حال مزّاحٍ وفرفاشي

لو شغّلو لي مسلسل خاله قماشه=والا ثلاثين حلقة طاش ما طاشي

القلب كنه يحرّك فيه خرّاشه=والكبد كنه ينقشّها بمنقاشي

قلت ابك عطني دقاق الهرج واجراشه=ابي كلامٍ يبرّد لاهب الجاشي

قال انت مافيه امل تصبح فتىالشاشه=ولا شريطي تبيع وتشتري كاشي

وشهادتك حطها الديوان بخياشه=طافت عليها السنين ونسبتك ماشي

والا عيونك تقول عيون خفاشه=وحده تكبّس والاخرى تضرب فلاشي

وان قمت تمشي يجي رجليك رعّاشه=كنك تشوّت كوور في وسط الاحواشي

احسن لك تروح سوق البدو وعشاشه=تبسط على فصفصٍ وتبيع فشفاشي

عودت ما عاد ابي سمه وطرّاشه=الله ولا حاجةٍ تجبرك باللاشي

اليوم الانسان تقديره حسب كاشه=لو كان ماله منسيه الترواشي

حوايجه تنقضى وتجيه برماشه=لو ان مخه معبا تبن وخياشي

لكن قالو لها دنيا وغشاشه=واقول انا كل نفسٍ رزقها ماشي
[/POEM]

صح لسانه قصيدة رائعة من اول بيت لآخر بيت وتسلم على النقل

صح صباعك ياقزاز اذا انها منقوله وصح لسانك اذا انها مكتوبه منك

اليوم الانسان تقديره حسب كاشه لو كان ماله المنسيه ترواشي

أبدعت أخي الكريم على هذا الأختيار
قصيدة في قمة الروعة
لاعدمنــــاك