السلام عليكم ورحمة الله وبركاته

واسعد الله مساء الجميع بالخير والمسرات

عندي استفسار بسيط بارك الله فيكم بخصوص انه فيه واحد من خوالي مدرس وله خدمة طويلة لكن ترك الوظيفة قبل عدة سنوات وكان وقتها قد خدم 10 سنوات ورجع من جديد لوظيفته لكن ماحسبوا له الخدمة اللي هو خدمها الـ 10 سنوات الماضية واعطوه بدالها حقوق نقدية مقابلها والحين هو يقولي ان وده يرجعون له الخدمة اللي مسلتم مستحقاتها نقدأ لأنها بتفرق معاه بالمرتب التقاعدي تقريبا ً حوالي 5000 ريال الفرق على كلامه لأنه إذا تقاعد بالخدمة كاملة راح يسلتم تقريبا 15000 ريال مرتب تقاعد شهري واذا ماضافوها له راح يستلم تقريبا ً 10000 ريال فـ مادري كيف الحل في هالموضوع لو تكرمتوا ؟

والله يعطيكم العافية جميعا ً

لكن هو راح لوزارة التربية على كلامه وقالوا له ماله حل عندهم وطبعا هو راح يدفع للجهة المعنية المستحقات اللي هو استلمها منهم سابقا ً وراح يتم الاتفاق من ناحية الدفع اما ان يكون كاش ونقدا ً او يكون على شكل استقطاع بنكي من المرتب الشهري لكن سمعت ان فيه ناس تقول يرفع خطاب لديوان المظالم بخصوص هالشيء وانا بصراحة ماهي داخله راسي هالشغله مأدري ليش فـ علشان كذا سألتكم ،،، والله لايهينكم جميعا ً

لكن بالنسبة للخدمة اخوي القاموس هو له فترة طويلة تتجاوز السنة بمثل ماتفضلت لأنه ماكان يدري عن هالامور ان لها علاقة بالمعاش التقاعدي الا بهالوقت لأن تقاعده احتمال يكون السنة القادمة او اللي بعدها مادري والله بالضبط فـ علشان كذا انا حبيت اسألكم وبصراحة كثر الله من امثالكم ووفيتوا وكفيتوا ولاعدمناكم جميع