استشاره من خبراء سوق العمل ... ~

روعه مكه · #1 (**permalink**) 05-04-2009, 04:33 PM

السلام عليكم ورحمة الله وبركاته

اسعد الله اوقاتكم ..

واكرمكم برزق يرضيكم ..

اتمنى انكم تفيدوني بأرائكم في موضوعي .. خصوصا ان اغلبكم في هذا المنتدى على ثقافه كافيه بسوق العمل

انا خريجة قسم كيمياء تربوي وابغى اكمل دراستي ماستر ... بس واجهتني مشكلة في اختيار التخصص ... وكثرت الاراء فوق راسي من المؤيدين والمعارضين ... محتاره بين ماستر في نفس التخصص يعني اي فرع من فروع الكيمياء او ماستر ادارة اعمال .. لاني لاحظت اقبال كبير على هذا المجال ادارة اعمال

يعني يفيدني ماستر ادارة اعمال في التقديم على وظائف ادارية او يعتبر شي ناقص لان تخصص البكالوريوس غير

واذا درست ماستر كيمياء هل فيه امل يقبلوني بأي جامعه من الجامعات ولا الوظيفه محتكره للاجانب والواسطات

كل شي بيد ربنا طبعا ... بس نتكلم عن الواقع اللي بيصير عندنـــا

انتظر ارائكم ... ~

اخصائية 2007 · #2 (**permalink**) 05-04-2009, 04:41 PM

روعة مكة , تخصصك حلو مرة بالذات في الكمياء الحيوية وايضا ادارة اعمال حلو واثنينهم نفس الشي عليهم اقبال شوفي الافضل والاقرب الى نفسك واختارية

روعه مكه · #3 (**permalink**) 05-04-2009, 05:00 PM

عسل نحل

الله يعطيك العافية

والله انا من النوع اللي امشي في اي شي يعني احاول اتأقلم مع اللي انا فيه

بس اهم شي اني ماادرس واتعب وفي الاخير ( كأنك يابو زيد ماغزيت )

Mo chuisle · #4 (**permalink**) 06-04-2009, 12:10 AM

اختي الفااااضله " روعه مكه "

من خبرتي المتواضعه اقول

اذا كان هدفك الماجستير وتقفي عنده فقط اذا اختاري تخصص ادارة الاعمال لانه تخصص مطلوب في السوق وخاصه لاصحاب الماجستير وحتى لو كان البكالوريس يتخلف عنه فكل ما زادت سنوات الخبره عندك زاد راتبك بشكل سريع

لكن اذا كان هدفك لابعد من كذا وهو حصولك على الدكتوراه فـ بدون تردد اختااري تخصص الكيمياء وبالتحديد في فروع الكيمياء مثل الكيمياء الصيدلانيه او الكيمياء الفيزيائية او الطبيه ...

لانه حصولك على الماستر في تخصص علمي ليس بالشيء الكبير وتعتبر مرحله مؤقته ما بين البكالوريس والدكتوراه ...

طبعا في مجال كبير تتوظفي على شهاده الماستر في الكيمياء وراتب ممتاز لكن تبقى درجه الدكتوراه للتخصصات العلميه اقوى من جميع النواااحي ...

لكذا اختي ضعي هدفك من الان هل حابه تكملي مسيرتك التعليميه ام تكتفي فقط في الماجستير ...

استخيري اختي واستشيري والله يوفقك

اعتذر على الاطااااله

روعه مكه · #5 (**permalink**) 06-04-2009, 03:12 AM

اخوي عاطل

ماقصرت على الرد الوافي

مع انك حيرتني شويه .. فكرت وحسيت اني ابغى اتوظف اكثر من اني اكمل دكتوراه بعد الماستر

يعني من كلامك في هذي الحاله ماستر ادارة اعمال بيكون افضل من ناحية فرص التوظيف ؟

الله يعطيك العافيه اخوي والله يجزاك كل خير

واللي كاتبه ربنا بيصير

ياليت اللي عنده رأي ثاني يطرحه

انتظركم

Mo chuisle · #6 (**permalink**) 06-04-2009, 09:28 AM

اقتباس:

المشاركة الأصلية كتبت بواسطة روعه مكه

مع انك حيرتني شويه ..

يعني من كلامك في هذي الحاله ماستر ادارة اعمال بيكون افضل من ناحية فرص التوظيف ؟

اختي " روعه مكه "

حتى الماستر بالتخصصات العلميه لها فرص كبيره بالتوظيف ورواتب ممتازه ...

رواتب المحاضرين عندنا " اللي عندهم ماجستير " تفوق 10 الالف ريااال مع الزياده الملكيه الاخيره لاعضاء هئية التدريس وغير بدل ندرة تخصص وووو ...

لكن انا اكاديمي واشوف انه حصولك على ماجستير بتخصص علمي وتقفي عنده فقط حرااااام ... اما ان يكون معك بكالوريس وتكوني معيده في كليه او معلمه في مدرسه او يكون معك دكتوراه براتب جدا كبير .. ما في وسط بينهم

اما بـ التخصصات الاداريه وغيره ... درجه الماجستير تعتبر المطلوبه والمقبوله في سوق العمل ومع الخبره وشوية دوراااات جديده رح ترتقي بعملك بسرعه ...

والله اعلم ...

اختي .. اذا كان لديك طموح لو 1% للحصول على الدكتوراه فلا تقتلي طموحك ... والوظائف ملحقه عليها ان شاااء الله

والمسأله في النهايه ماذا تريدي ؟؟؟

وان شااااء الله تبشرينا بعد سنواااات بحصولك على الدكتوراه

وانا اعتذر على الحيرة اللي وضعتك بها ...

لك منا الدعاااء بظهر الغيب

روعه مكه · #7 (**permalink**) 07-04-2009, 12:40 AM

اذا على الطموح موجود والتحطيم ايضا موجود

مشكور اخوي

الله يسهل امرك وينولك اللي ببالك ويشرح صدرك يـــارب

تصدق اعطيتني امل ودفعه قويه للامام

وانا بجد محتاجه لدعواتكم

الله يوفقنا اجمعين ويثبتنا على دينه ...

شموخه وبس · #8 (**permalink**) 07-04-2009, 02:48 AM

انا مثلك ومحتاره حيل بس استخرت وقررت اخذ ماستر في اسس مناهج وطرق تدريس بس الكيمياء افضل لكن العائق اللي واجهني التوفل والمسؤولات اللي بالقسم اقصد اللي بمكه

لكن اهم شيء استخيري وربي يوفقك ويوفق الجميع ياااااااااااااااارب

شموخه

االعنود · #9 (**permalink**) 07-04-2009, 03:23 AM

حبيبتي استخيري ربك قبل كل شي

وانا رائي تكملي ماستر ادارة اعمال اته الوقت الراهن متطلب بكثير من الوظائف
اما قسمك صار فيه تشبع مثل قسمي

روعه مكه · #10 (**permalink**) 07-04-2009, 03:38 AM

شموخه

جامعتنـــا خلااااص جاني اشمئزاز منها مستحيل اكمل فيها

والله يوفق ويكتب لك اللي فيه الخير

اسعدني تواجدك ... ~

العنود

هلا والله

يعني انتي برضو كيميائه

قوليلي انتي مكمله ولا ايش مخططاتك

الله يسعد ايامك .. ~

استشاره من خبراء سوق العمل ... ~

التدريب المهني والفرص الدراسية

السلام عليكم ورحمة الله وبركاته اسعد الله اوقاتكم .. واكرمكم برزق يرضيكم .. اتمنى انكم تفيدوني بأرائكم في موضوعي .. خصوصا ان اغلبكم في هذا المنتدى...

استشاره من خبراء سوق العمل ... ~

تسجيل الدخول

استشاره من خبراء سوق العمل ... ~

التدريب المهني والفرص الدراسية

السلام عليكم ورحمة الله وبركاته اسعد الله اوقاتكم .. واكرمكم برزق يرضيكم .. اتمنى انكم تفيدوني بأرائكم في موضوعي .. خصوصا ان اغلبكم في هذا المنتدى...

استشاره من خبراء سوق العمل ... ~