.
.
.
السلام عليكم ورحمة الله وبركاته

تحية لكم اخواني اخواتي اجمعين ,,,, ادخل في الموضوع على طول وهو رغبي في دخل اضافي غير راتبي ووظيفتي

كنت احلق كالمعتاد عند الحلاق ,,, وكان في حلاق متهاوش مع كفيله .

المهم انا استغليت الموقف وسألت الحلاق صاحب المحل ,, قلتله اذا تعرف حلاق انا ابغى واحد واسوي محل !!

قالي تاخذ المحل هذا ؟؟

قلت ليش صاحبه مايبغاه ؟؟ قال لان محتاج مبلغ فلوس ويقبل المحل ..

قالي طالب 30 الف ريال ,, ويتنازل عن المحل ,,, ونقدر نخليها 20 الف والباقي اقساط ياخذها السعودي صاحب المحل !!!

وانا شهريا اخذ من العامل ,,, 1500 ريال علما انه متكفل بكامل الايجارات والكهرباء والمستلزمات .

جلست افكر في الموضوع واحسبها ,, قلت طيب وش الضمانات وش المطلوب ,, قال المحل مسجل برخصة من البلدية ,, يسولك تنازل وخلاص
وعقد الايجار من صاحب العقار يسويلك تنازل كمان
واسوي نقل كفالة عليك ,, << هنا العامل قال هو يتكفل بنقل الكفالة وقيمته 2000 ريال

انا صراحة الموضوع قاعد يلعب في راسي ,, قلت في البداية اتفاوض مع صاحب المحل السعودي واكمله كذا بين بعض ,,, كيف طريقة التعامل منه وكم كان ياخذ منهم ,,, لاني متوقع انه ياخذ اكثثر 1500 ,,, ولا ماكان العامل جا يقولي غير يدور الارخص !!!!!

قلت له طيب وانا اش ضمني استمرارية المحل ,, قال اذا مااشتغلت معناه خروج نهائي !!
ومافي احد يهدم بيته بـ نفسه ,,, ولو حصل اي شي انا اعبيلك المحل دا حلاقين ,,,


مارأيكم في العرض ,, وكيف اقدر اضمن حقي ,, يعني ماياخذ فلوسي ومااشوف وجهه وادبس في ايجار المحل ولا اي شي اخر !!!

علما ان المحل شغال كويس حسب مااشوف ,,, دايم زحمة متوسطة خاصة نهاية الاسبوع ( اربعاء وخميس )

فما رأيكم !!!


انا افكر اجتمع بصاحب المحل ,,, واشوف كيف كان مسوي في تعامله معاهم ,,, واطلب منه التنازل مقابل 20000 الف ريال ,, تدفع منها 15 الف الان ,,, والـ 5 الاف بعد 3 شهور !!
تتوقعوا يرضى ؟؟

وكيف اضمن ان المحل يشتغل ,, علما ان المحل له اكثر من سنتين ,,, وفي عاملين ,, وثلاث كراسي !!