السلام عليكم ورحمة الله وبركاته
ياشباب الله يعافيكم
اللي مقدم على قسم الأحياء ولا العلوم

يتفضل ويرد هنا
وأتوقع مقابلة الأحياء كانت نفس العلوم

ونبى نعرف متى تظهر نتاج المقابلة
وكيف طريقة أختبار الكفايات ونبي نموذج لأختبار الكفايات

بالنسبة لي قدمت في الشرقية
وأسلئة التخصص والتربوية كان واحد مطوع
بس لعب بحسبتي الله يهداه أسلئة جايبها من الجن

والباقي كل شئ تمام

شباب مافيه أحد معنا معقولة

تأخرت انت ياغاالي
المفروض من قبل تبداء المقابلات الشخصية باسبوع

شباب أنا عملت مقابلة
الآن نريد نرتب الأمور للإمتحان الكفيات

يرفع 1

خريج حاسب متضامن معكم،،،،
الله يوفقكم

أنا خريج علوم

وأنا معاك من ألحين

بس أنا مقابلتي يوم الأحد بجده

دعواتكم

حلووو جــدًا ..



بالنسبة لأختبار المقابلة الشخصية .. أضن أن الجميع سوا هالأختبار ..




لكـــن .. عندي سؤاليـن ..


س1/ متى سيتـم الإعلان عن نتائــج أختبار المقابلـة الشخصيـة ؟ وكيف سيتم الحصول عليهــا ؟

س2 / متـى سيكـون إختبار الكفايـات ؟ وكيف يكـون ؟

رسيم هلا بك

زميل مهنة وصديق ..


أحب أفيدك ..


بالنسبة للمقابلة ..



المقابلة تتكون من أربع لجان ..





أولا ً : لجنة الثقافة الإسلامية /


أول شي يبيك تجاوبه لغة عربية فصحى ..


ثانيًا سيسألك بعض الأسئلة ..مثل .. هل أنت مدخن ؟ .. ثم سيسألك بعض الأسئلة الشخصية ؟

مثل ( من أين أنت ؟ وأين درست ؟ وأين طبقت ؟ وغيرها ) ..


وبيسولف معك شوي .. بعدين بيقولك أقرأ آية الكرسي ..





ثانيًا : لجنة اللغة العربية ../

بيخليك تقرأ سطرين من كتاب .. بحيث وأنت تقرأ .. تضبط ماتقرأه بالتشكيل والحركات .. رغم أن الكتاب مافيه تشكيل وحركات ..
بعدين بيقولك عبر عن أي موضوع .. ( أنا كتبت تعبير عن نفسي وحياتي ) بحدود سطرين
بعدين تجي ع الإملاء وراح يسألك عن بعض الكلمات وخصوصًا اللي فيها همزات
(أنا قال لي أكتب الكلمات التالية : سئل .. تسائل .. ملىء ) ..


وبس




ثالثًا : لجنة الحاسب الآلي :


راح يقولك أفتح الوورد ..

وأكتب أسمك وتخصصك .. وأنسخه أكثر من مرة بالصفحة ..

وأستخدم التنسيقات الموجودة بالوورد مثل (حجم الخط ، الإمالة ، الخط العريض ، نوع الخط ، لون الخط ، تنسيقات جاهزة واستخدام الاشكال ... إلخ )

وبعدين راح يقولك أفتح صفحة بوربوينت .. وأكتب أسمك بشريحة وتخصصك بشريحة أخرى وأستخدم التنسيقات وإضافة التأثيرات ..


بس هالقسم أعتقد الجميع ناجح فيه .. غير كذا سهل مررة ..







رابعـًا : لجنــة التخصص ( العلوم ) ..


بهالقسم مدري شلون الأسئلة .. لكن صديق لي أختبر قبلي بأسبوع يقول الأسئلة اللي جاتــه كالتالي :

س1/ عرف الخلية ؟
س2/ مالفرق بين الخلية الحيوانية والنباتية ؟
س3/ عرف الكتلــــة ؟ وماهي وحـدتها ؟
س4/ ماهي مكونات الذرة ؟
س5/متى تكون الذرة متعادلـــة ؟
س6/ كيف تحضر درس ؟ <<<<<<<<<<<<= يعني يبي خطوات تحضير موضوع درس
س7/ اذكر بعض طرق التدريس ؟
س8/ ماهي وحدة قياس الزلازل ؟
س9/ عدد أنــواع الصخــور ؟
س10/ عرف الشغل وماهي وحدتــــه ؟






لكـــن أنــا الأسئلة اللي جاتنــي غير كذا .. ومدري وش السبب وبقولك وش اللي صار معي من أول مادخلت لجنة العلوم التخصص


المهم أخوكم في الله (اللي هو أنــا) .. بسم الله علي طويل مررررة << 191 سـم < سم الله عدوي هههههههه


أول مانادى على أسمي .. دخلت عنـده .. ألا اشوي اشوف الرجال اللي بيسألني مسوي حركات بلاهه < يبي يسوي يعنني مفجوع من طولك ... وأنا عـــااادي جــدًا مسوي ثقيـل


وصكني بأول ســـؤال على طريقــة الاستهــزاء


قال لي :


وش سبب طولــــك ؟



ضحكت أنــا وقلت لــه قدرة الله وخلق ربـي كـذا ..


ضحك هو وقال اجابـة صحيـحة لكـن فيـه سبب علمـي ؟

أنـا تونـي أستوعبـت أنـه بدأ بـ أسئلـة المقابلـة الخاصـة بالتخصص .. قلت أهـــاااااااااااااهـ ههههههه



ورجع سألني وش سبب الزيادة بالطول ؟
قلت زيادة بأفراز الهرمونات .. قال وش اسم الهرمون اللي يفرز بزيادة إلى أن أدى إلى زيادة الطول ؟
قلت لـه : هرمون النمــو .
قال طيـب وين موقـع الهرمـون ؟ من أي غدة يفـرز ؟
قلت موقعـه مدري .. لكن الظاهر أنه يفرز من الغدة الدرقيـة << ماكان في بالي إلا هي (رمية من غير رامي) .. قال لي ممتاز ..
طيب وين موقع الغدة الدرقيـة ؟ قلت له بالحلــق .. < صح ..


قعـد يسولف شوي معي لين عرف أن عندي سكر ..
سألني قال :وش سبب مرض السكر ؟
قلت له : خلل في إفراز الأنسولين < قال لي الأنسولين ولاّ هرمون الأنسولين ؟؟ قلت هرمون الأنسولين < تراه يدقق بالأجابات
قال لي طيب من يفرز هرمون الأنسولين ؟
قلت له من البنكرياس .. قال بالتحديد من أين ؟
قلت له من غدد لانجرهانز ..
قعد نسولف بعدهـا سواليف عادية ..

بعدين رجع يسألني ..

سألنـي عن طريقتي في تحضير الدرس
وبعدها سألني ..قال / أذكر لي ثلاث من طرق التدريس ؟
ذكرت له المناقشة والإلقاء وحل المشكلات ..
قال لي وش تميل له .. قلت المناقشة .. وفيه طريقة أخرى أسمها العصف الذهني ..وقعدت اتفلسف عليه بهالطرق .. لأني عندي دورات فيها ههههه المهم أني دخلته من كم وخرجته من كم ثاني هههههههههه



سألني بعدها قال ( عندك درس عن الجهاز التنفسي مثلا ؟ وش ممكن تستخدم من الوسائل التعليمية المساعدة للمعلم في الشرح) ..

قلت له الأجهزة مثل الداتا شو أو البروجكتر .. وفيه بعد ممكن استعين برئـة خروف .. للشرح << حركات المدرسين خخخخ

قال لي ممتـــاز < أعجبتـه بهالحركـة هههههه



بعدين سألني عن عناصر كيمائيـة مثل ( k - I - Al ) يبي أسمها ؟ وبعدها سألني عن الفرق بين :


( K ، I ، Al ) ووو ( H2O ) قلت له : الثلاث الأولى عناصر .. بينما الـ H2O مركب مكون من أكثر من عنصر ..



بعدها سألني عن انواع الصخور وأجبتــه ..







المهم في جميع المقابلات .. قياس وتحديد شخصية المعلم .. يعني ترا يوم يوقف الاسئلة ويسولف معك فهو يقيس شخصيتك .. يعني خلك على طبعك .. وترا بيحاولون يستفزونك .. بيشوفون كيف وضعك مع الطلاب بتعصب ولا شلون ؟ خخخخخ


وكل ذا تراه تحديد في شخصية المعلم .. وقياس معلومة عندك ..

المهم اللي باقي عنده مقابلة وناقصة عنده معلومات عن العلوم والأحياء .. انا رفعت لكم مستند فيه تلخيص حلو لقيت بأحد المواقع .. إن شاء الله يعجبك .. أنت اقراه بس وأدخل الأختبار راح تدعي لي ..