09-04-2009, 09:09 PM
|
 |
عضو نشيط
|
|
تاريخ التسجيل: Sep 2007
المشاركات: 143
معدل تقييم المستوى: 252715
|
|
|
ثلاث وعشرين الف هل تكفي لبداية مشروع العمر؟؟
[align=center] السلام عليكم ورحمة الله وبركاته
مساء الخير للجميع
ابي فزعتكم ياخوان
معي ثلاث وعشرين الف ريال يعني راس المال 
وابي افتح مشرع صغير ابدا فيها تجارتي
وسألت ناس كثير عرض احد الشباب لي فكرة الحدادة
طبعا دخلت راسي هالفكره
رحت للصناعية ودرت ودورت كثير
وحصلت لي ورشة يعني مب كبيره بالحيل
وقالي الاجار 15 ألف بالسنه
وسألني صاحب الورشه وش نوع شغلي
قلت له ابي اشغلها حدادة
قالي كويس
إن شاء الله ماراح يكلفك كثير العده تشريه بخمس ألاف <<<يقصد الدريل والاغراض الثانيه واصليه بعد
وانا راح اجرك الورشه زي ماتفقنا عليه
اوانا ياجماعة الخير ابي استفسر
ابيكم تنصحوني وتساعدوني انا لسى في بداية شبابي وعندي طموح كثير وايضا عندي احلام كثيره امنيتي احققها ومن ضمنها انني أكمل دراستي وانا مرتاح
وانا ماودي استعجل
عطوني نصايحكم وإذا فيه مشاريع ازين من الحداده انا استقبلها وبصدر رحب
ولاتبخلون علي بعطائكم الفياض ودعواتكم
ومكان المشروع بإذن الله بالقصيم بمدينة باريس نجد (عنيزة)
جزاكم الله خير
[/align]
[align=center]
[/align]
التعديل الأخير تم بواسطة دردعانه ; 09-04-2009 الساعة 09:13 PM
|
العرض الشجري
