البارحـه فـي يـوم عشـره ينايـر
ثارت على الـراس المحمّـك ثوايـر
حاولـت اغيّـر فالزمـان المغـايـر
ولا حصل لي شي غيـر الـذي صـار
الله يـعـزك ياقضـيـة فلسـطـيـن
من اربعينـك اليـن سبعـه وستيـن
ومـن اولـك واليـن بكـره وبعديـن
لولاك كان تضيـع نشـرات الاخبـار
حنا عـرب نعـم عـرب يـا أوربـا
ماعنـدنـا الا جـبـن والا مـربّـى
الشخـص منـنـا لاتبـيـن تغـبّـا
وهذي سياسـه للهُدوْ قبـل الاعصـار
سيوفنـا وقـت المـلاقـا شطـيـره
يعنـي علـى ماقيـل مثـل الشطيـره
وهذا دليـل(ن) مـع نقـاء السريـره
والله يجيب الخيـر ويطيـح الامطـار
سـلام يابـوش الابــن يالمـبّـدى
ياللـي علـى كـل المبـادي تـعـدّا
طيـب .. لـو نعـم ربعـي تــردّى
وقدامـنـا جـلـه وقدامـنـا نــار
ياكندليزه رايـس اهـلا(ن) وسهلينـي
ام الجمـال اللـي يهـز السلاطـيـن
غنجك ذبح له فـوق خمسـة ملاييـن
هذي ضحايـا والضحايـا بـك كثـار
فخامـت الرئيـس حسنـي مـبـارك
يحفظ جـزء عمـى وينسـى تبـارك
وأكبـر دليـل انـه يقـود المعـارك
مو اقفـه لاجـات حـزات الاخطـار
القاهـرة بلـد حـظـاري وبـطـران
فيها البنات انـواع واشكـال والـوان
مـن هارديـز اليـن ميـدان لبنـان
وأحسن بنات اللي يجن طرق وصغـار
ورموشهن شبريـن وعيونهـن سـود
وأنعم من الديباج وأرهف مـن العـود
لباس مـن حلـوى وحجّـان وخـدود
كسلات في الممشى وفي الغنج شطـار
أنا هنـا يمكـن قبـل أربـع اعـوام
رحت اتمشى عنـد هامـات الاهـرام
وركبـت مـع تكسـي وقـدام قـدام
حـتـى تعـديـنـا بـقـالـه ودوار
وجينا وأثر فيها خيـول(ن) عريبـات
أجدادها قـد شاركـت فـي الغـزوات
اجارهـا يمكـن بـاربـع جنيـهـات
وزَوّد صفـر ولاتـدقـق بالاسـعـار
أخذت لي خيل(ن) وكربـاج وأقفيـت
يعني علـى قولـت عنيـت وتمشيـت
وياليتنـي مـع المقـاديـر ماجـيـت
ولا رأيـت اللـي يهستـر بالانـظـار
فيهـا البنـات يسابـقـن الرياجـيـل
اللـي عليهـم ضيّـقـات البناطـيـل
فـوق الخيـول يجاذبـن المـواويـل
مهـار لكـن فـوق قبّـات الامهـار
غازلـت لـي وحــده ولاعبرتـنـي
حلوه وفيها مـن ملامـح (برتنـي )
وأقفيت اشيل الهم مـن فـوق متنـي
عقب ماقالـت لـي حيـوان وحمـار
وأنا مانيـب انسـان واطـي وسافـل
أنـا مـن اللـي يحكمـون القوافـل
أحيـان مكفـول(ن) وأحيـان كـافـل
واكره ماشوف الظلم .. والذل .. والعار
أبترك الموضـوع وأدخـل بموضـوع
دام ان صوتي عند ( الاجواد ) مسموع
نبينـا (محمـد) ولاهـوب (يـاسـوع
)المصطفى الهادي شفيع(ن) للابـرار
لو انتحـر صـدام مـن قبـل ينهـان
وخلاّ المشاكـل كلهـا فـوق بـرزان
مكان مصخر بـه قـدم كـل الاعيـان
عزيـز قـوم(ن) ذل بيديـن الاقـدار
(سبيس تون) ان كان في الناس حيره
أفضـل بواجـد مـن قنـاة الجزيـره
تضحّـك الورعـان وقـت الظهيـره
وهـذي تبكينـا اليـا جـات الاخبـار
ختامهـا مـدري وش اقـول لـكـن
ماحب انا أسمـع اغنيـة (الاماكـن )
من ثقل همن بيـن الاضـلاع ساكـن
الله يحرول ساق رجلـي عـن البـار

ياسر التويجري
اسم لن ينساة التاريخ
رغم كل المحاربين لة
فالكل يبحث عن ياسر
وتتسابق القنوات لقاءة
لانة بصراحة ملك الشعر
ياسر سيد الصراحة

حنا عـرب نعـم عـرب يـا أوربـا
ماعنـدنـا الا جـبـن والا مـربّـى
قصيدة مايكتبهااا إلاالكبار يابو محمد
كبيـــــــــــــــــــــــــــــــــــر

نقطة جنون
سلمت يداكـ
يعطيك الف عافية
اختيار موفق

لكـ الود

يـاسـر الـتـويـجـري شـاعــر جـيـد لـكـن يـدور لـلـمـشـاكــل
مـره كـتـب قـصـيـدة عـن اهـل الـجـنـوب بـس مـا قـصـروا الـشـعـراء ردو عـلـيـه
والـحـيـن قـصـيـدة عــن مــصــر والـلـه شـكـلـه يـدورهـا