قبل كم يوم رحت لـ محل ديكور وموبيليا ..

فصلت دولاب صغير عند الباكستاني ..

المهم اليوم رحت بعد العصر اخذ الدولاب ..

مريت مالقيته .. مريت بعد المغرب برضه مالقيته ..

اخذت رقم جواله من المحل اللي بجمبه .. اتصلت عليه قال الوعد بعد العشاء ..

المهم .. بعد العشاء استملت الدولاب وبصراحه ( شغله خطير ) ماشاء الله ..

مو هذا الموضوع ..

الموضوع اني قعدت ادردش معه شوي .. وسالته بعض الاسئلة ..

ايجار المحل يقول .. بـ عشرة الاف ريال ..

تكاليف المحل كاملة مثل مايقول .. بـ 6.000 ريال ..

وتشتري خشب انواع على حسب حاجتك وطلب الزباين فيما بعد ..

قلت له .. طيب فيه مردود مادي يشجع ..؟

قال : مثل ماشفت انت جيت لي العصر ماحصلتني .. وجيت المغرب ماحصلتني !!


يعني الشغل ماشي .. ماشاء الله ..


هذا اللي اخذته منه اليوم .. وبصراحه المشروع مغري خصوصا وراس المال قليل ..

ولاتنسون ان التاشيرة .. يمكن يصل سعرها الى 9.000 ألاف ريال مثل مايقول صاحبنا الباكستاني ..



اصحاب التجارب في هذا المجال .... لا تحرمونا ارائكم ..

ودمتم مطخطخين

يعطيك العافيه00000

والله يالغالي من الصعب أنك تحكم على مشروع بــ نجاحه من عدمه من يوم واحد فقط
لكن النجاره عموماً فيها خير بس تبغا عامل أو عاملين يكونو حريفه وتتعين خير

الله يوفقك يارب

وين محله ؟ لاني ادور نجار شغله مضبوط

بارك الله فيك يالغالي على حرصك على نقل المعلومه والفائده لاخوانك واخواتك .




كلامك صحيح يالغالي بل قس على ذلك العديد من المشاريع ايضا على سبيل المثال لا الحصر أنني درست(بين نفسي) مشروع سياكل ولعب اطفال
درست المشروع جيدا ووجدت انه لايكلفني 15 ألف ريال فقط!!!!!

طبعا مع ايجار المحل مقدم ست شهور وديكور المحل والبضاعه ايضا !!؟؟

والربح مضمون




بل سألت صاحب محل للعب الاطفال والسياكل (صديقي ) قالي (أفتح المحل وماتخفش مش ختسر حاقه) كتبتها بلهجته المصريه فعذروني على تكسير اللغه




بصراحه يالغالي هنالك العديد من المشاريع الناجحه (بنضري) وبرأس مال بسيط فقط تريد تركيز وصبر وطولة بال


لولا انشغالي حاليا لأصبحت من التجار__________)))) واثق من نفسه!!!!!!:o


شاكر لك يالغالي لاخلا ولا عدم

عذرا على الطاله
أتمنى لك التوفيق

والله فكرة روووعة وانا من الناااس اللي اتفائل بالمحلات هذي اللي تكون تكلفتها شوووي

ولاتحتاج استهلااك والرزززق على الله ..

كثرت مشاريع النجارة
كما ألاحظ
وهذا يدل على دخلها الجيد
ولكن يبقى شهرة العامل والمحل ركيزتان أساسيتان

اخوي الله يرزقك من اوسع ابوابه
ولاكن خذ الحذر من بعض الاجانب
يعني اذا انت تقول بتبيع عليه التاشيره العامل بيقول انا شاري التاشيره وابي اشتغل لحسابي الخاص
انتبه ادرس محلك بعيد عن الاجانب يبي المصلحه له هو وانت ماعليه من تكسب تربح مو مهم
المهم كيف يدخل السعودية