السلام عليكم...
اخواتي..
أنا قدمت على وظيفة معيده بقسم الرياضيات تخصص(احصاء رياضي)
واعطوني موعد للمقابلة الشخصية والاختبار التحريري...
[gdwl]سؤالي هو:كيف راح تكون طبيعة الاسئلة في الاختبار التحريري؟
هل هي اختياري ام تصحيح الي ام مقالي؟؟[/gdwl]

[read]أختي أنا مثلك مقدمة على إحصاء رياضي ، وأتوقع والله أعلم إن صدق حدسي إنها بتكون اختيارات يعني تصحيح آلي (تضليل الدوائر)
لأنه ماأتوقع مع العدد الكبير ذا كلّه بيقدروا يصححوا كل هالأوراق وأيضاً زي ماتعرفي الإحصاء فيه شغل كثير في الحل ، إضافة إلى أنه أغلب الجامعات واختبارات القبول فيها سواء في الوظائف أو التوفل(اختبار اللغة الانجليزية) تعتمد هذي الطريقة في التصحيح (الآلي)، أتوقع وقت الامتحان بين الساعة ونصف والساعتين مايزيد عنها.
عندي إحساس إنه الجامعة راح تفاجئنا بأسئلتها وتجيب مصطلحات ورموز إنجليزي لأنها الآن تسعى للتطوير وإدارج اللغة الانجليزية في تدريسها .[/read]

[gdwl]لاني من جد محتارة وخايفة..
اختباري يوم الاثنين ومافي وقت [/gdwl]

[read]لا تخافي ولا تشيلي هم ، اللي الله كاتبه يبي يصير ، أنا سبق ودخلت أختبارات قبول في أكثر من وظيفة في جدة و مكة ، صحيح إني مانقبلت فيها ولحكمة الله أعلم بها ، لكنّي اكتسبت القدرة على التحكم و التعامل مع الضغوط وفي مثل هذه الأوقات بالذات ولقيت إنه الخوف اللي إحنا نعيشه ماله مبرر ، لأنه خوفنا قبل الاختبار للوظيفة نابع من قلقنا من إنه مانجاوب وبالتالي لا نحصل على الوظيفة ، لكن أسألي نفسك وكذلك أريد كل من يقرأ هذا الكلام يسأل نفسه هل لو خفت و قلقت راح تحقق النتيجة التي تريدها وتسعى للحصول عليها ، بالطبع لأ.
أنا لا أدعو إلى إنه الواحد منّا يتكاسل ومايذاكر ويعدنفسه الاعداد الصحيح للوظيفة لأ!!

أنا أقولك أعملي بالأسباب ، اللي عليك سوّيه وخلّي الباقي على الله
وروحي الاختبار وإنتي من أهدأ مايكون[/read]

[gdwl]وكيف راح يكون الاختبار شامل او لا؟
[/gdwl]

[read]طالما إنه إحصاء رياضي فراح يشمل على أهم المبادئ اللي أخذناها في تخصص الاحصاء طيلة سنوات الجامعة.
أتوقع بيكون فيه نصيب للتوزيعات المتصلة والمنفصلة
زي (متوسط التوزيع ، تباين التوزيع ، ممكن كمان شكل دالة التوزيع الرياضي وعلى المنحنى كذلك... الخ)
وكذلك من الاستدلال الإحصائي أتوقع والعلم عند الله إنه بيجي (المقدر الغير متحيز unbiased estmator
،تعريفه،
التقدير بنقطة و التقدير بفترة
أفضل مقدر ....الخ)
أيضاً ، معامل الارتباط بيرسون وسبيرمان،
اختبارات الفروض ، توزيعات المعاينة ،الخ

يعني هذا كلّه توقّعات، لأنه الدكتورات دايما أيام الدراسة كانوا يركّزون على هذه الأشياء مرّه.[/read]

[gdwl]وايش أفضل وأشمل مراجع للإحصاء؟؟؟[/gdwl]
[read]أنا عن نفسي اعتمدت بعد الله على الآتي:
1-كتاب مقدّمة في الطرق الاحصائية ، د.جلال الصيّاد.
2-كتاب الاستدلال الاحصائي ،د.جلال الصيّاد.
3-نظرية الاحتمالات ، د.جلال الصيّاد.
4-ملاحظات وملخّصات للدراسة أيام الجامعة
طبعاً ماراح أذاكر كل شئ بحذافيره وأدقق كثير راح أحاول آخذ أهم الأشياء ، أهم المبادئ المتوقعة إنها تجي ، أهم القوانين ، أشياء بديهيّة هم يحبّوا يجيبوها بكثرة زي تعريف المتوسّط و غيره.
والله ييسر
كل هذا اجتهاد شخصي إنتي شوفي نفسك وإش الطريقة اللي تناسبك في المذاكرة لاتعتمدي على كلامي بس ، لأني قد أخطئ وقد أصيب.[/read]

__________________