مكائن خياطة بـ 50ألف ريال فما فوق إشاعة أم حقيقة !؟ ( للنقاش )

بحراوي · #1 (**permalink**) 14-04-2009, 02:11 PM

::السلام عليكم ورحمة الله وبركاته ::

صدق أو لاتصدق

الأخبار تقول 50 ألف ريال لماكينة خياطة والشائعات تدفع مواطنين بحفر الباطن لاقتنائها
أما في سوق حجاب بالنسيم الرياض وصل سعرها لـ 80 ألف
وفي بعض الأسواق السعودية وصل السعر لـ 70 ألف شرط أن تكون نفس المكينة المطلوبة وتحمل علامة أسد ..

من هنا ياكرام

ماهي قصة هذه المكائن التي غزت أسواقنا السعودية وأثارت الجدل وكذلك ارتفاع سعرها المفاجئ !!

يقال أنها ربما شائعات ولكنها لم تُنفى ، كذلك ليس هناك دخان من غير نار

فكما سمعت وسمع الكثير أن هذه المكائن قديماً كانت تدخل في صناعتها مادة الزئبق الأحمر (من المواد المتفجرة) وكان وقتها رخيص الثمن وغير معروف

أما في عصرنا اليوم فقد تم اكتشاف هذه المادة وهي تقدر بالملايين ..

..

نرحب بمناقشتكم حول هذا الموضوع المثير

أم الوظائف · #2 (**permalink**) 14-04-2009, 02:40 PM

انا سمعت مثلك بالارتفاااع..

واشياااء جدا هبااااال..

بس السؤال اللي محيرني.. اللي يشترونها 80 الف.. و90 الف وغيره.. بعدين وين يودونها؟؟؟!!!!

الناس تبيع تتربح..

بس اللي يشتري ايش هدفه..

ومو واحد او اثنين.. مجاميع تشتري من الشرقية والشمالية.. والوسطى..

ويشترون ما يبيعون.. طيب الاف المكائن وين مصيرها.؟؟؟ ومين الممول بهذي الامواال كلها لشراااء كل هذي المكائن؟؟

ومين الجهة اللي مهتمه بجمع ماادة الزئبق الاحمر؟؟؟ ووهي ماده على حد وصفك متفجرة؟؟

طيب مين الدولة المستهدفة بالتفجير؟؟؟

تريل · #3 (**permalink**) 14-04-2009, 02:49 PM

هههههههههههههههه

زارا إشتكى من إنقطاع المكائن

عبدالإله العضيله · #4 (**permalink**) 14-04-2009, 03:20 PM

الدعوه كلها كذب في كذب

هذا تلاعب تجار منهم اللي استفاد وباع المكينه بالالاف ومنهم من عض اصابعه من الندم

بقايا عطاله · #5 (**permalink**) 14-04-2009, 03:47 PM

يالربع صح وين يودونها يعني اللي يشترونها وين يبعيونها عندي ماكينه بكم تنباع ياريت اللي عنده يعلمنا

خالد العمري · #6 (**permalink**) 14-04-2009, 04:27 PM

50 الف

60 الف

70 الف

80 الف

الله يهديك لو تمر على قسم البيع والشراء عندنا تلاقي :

اقتباس:

المشاركة الأصلية كتبت بواسطة ام لجين

السلام عليكم ورحمة الله وبركاته

مرحبا ترى الموضوع مووووووووووووووووووووووو اشااااااااااااااااااااااعه

انا عندي مكينة سنجر وخذيتهاللحراج على اساس ابيعهاواتاكدمن صحة الخبر وجاءواحدبيشتريها

وسوى كل الاختبارات عليها بس يوم جاء بيشتريها اختلفنا عالسعر لاني يوم سمتها عالعصرجابت لي 80الف وماشاءالله طلع سعرها لحدالان 220الف تخيلو انا حطيت سومتي لاوصلت350الف فاللي يبغها يرسلي
واليوم بكمل بروح للحراج وشوف قد ايش يوصلي السعر اللي عنده مكينه لايتردد سددو هالديون اللي ذبحتنا ونومتنا على بساااااااااااااااااااااااااط الفقر

انا بالدمااااااااااااااااااااااااااام

وصلت 220 الف <<< قيمة بانوراما
[line]-[/line]

الموضوع بإختصار بسيط

شعب يتقبل الشائعات ويطورها ويزكيها وهو لايمتلك من العقلانية شيء
طول هالسنين وهالشركات العالمية والمختبرات العالمية و و و الخ
ما أكتشفوا هالأشياء وبالنهاية أكتشفوها في ماكينة خياطة

والله بكل أمانه

شر البلية مايضحك

توصل معي بعض الاحيان إلى إني أتجرد من إنتماء هذة الفئة لهذا الشعب

في جهة عملي المختلطة بما يقارب 95% أجانب وعلماء ومثقفين عالمين يسالون عن هذة الأشاعة
وبكل امانه أنني أخجل من الرد عليهم لأنهم يعاتبونني على أن المسلمين يعتبرون من أفقه وأذكى وأنبه مخلوقات الله . وصلت الدرجة إلى أن الشخص عندنا يكذب الكذبة ويصدقها.

كيميائي الرياض · #7 (**permalink**) 14-04-2009, 04:48 PM

لا تصدق وتروح تشتري

ترآ الدعوه كلها خرطي واللي بيروح فيها اللي بيشتري

أصلآ المكائن هذي مافيها زئبق احمر

هذي مصنوعه من الحديد مع مصهور الرمل

حسب كلام المورد الوحيد لشركة سينجر فالسعوديه

ويقول الدعوة نصب في نصب

طبعاً مصدر هذه الشائعات من خارج المملكه قرب الحدود الشماليه

يعني سوق سواداء مايبيلها كلآم

وشكرا

E X I T · #8 (**permalink**) 14-04-2009, 04:55 PM

الله المستعان
الله المستعان
الله المستعان
الله المستعان
الله المستعان
الله المستعان
الله المستعان

عاشق وهم · #9 (**permalink**) 14-04-2009, 05:00 PM

انا ماني مصدق

الخبر هذا مكذبه 100 %

لكن اللي يلحس مخك

ليه شبكة الجوال تنقطع اذا
قربنا الجوال من الإبره

( والله اني مجربها بنفسي
عندي مكينة للوالده الله يحفظها
ولكن مو النوع اللي طالبينه
هذي من نوع التاج
وحطيت جنبها جوال العنيد 11
والشبكة تلخبطت مره تحت و مره فوق )
اكيد الأمر فيه ان
( لكن اكيد مو الزئبق الأحمر)

مره فاضيه · #10 (**permalink**) 14-04-2009, 08:51 PM

اليوم سمعت الأخبار ويقولون هي أيشاعه
بس فيه ناس كثير باعوها وكسبو من وراهه والأسعار خياليه
ألي ضحكني أنهم جالسين يقربون الجوالات
علشان الأبراج تنزل وبعضهم محتاج الفلوس الله يهديه يجيب جوال خربان
مافيه أبراج ويقول شوف نزلت الأبراج هههههههههههه

مكائن خياطة بـ 50ألف ريال فما فوق إشاعة أم حقيقة !؟ ( للنقاش )

إستراحة الأعضـاء

::السلام عليكم ورحمة الله وبركاته :: صدق أو لاتصدق الأخبار تقول 50 ألف ريال لماكينة خياطة والشائعات تدفع مواطنين بحفر الباطن لاقتنائها أما في سوق...

مكائن خياطة بـ 50ألف ريال فما فوق إشاعة أم حقيقة !؟ ( للنقاش )

تسجيل الدخول

مكائن خياطة بـ 50ألف ريال فما فوق إشاعة أم حقيقة !؟ ( للنقاش )

إستراحة الأعضـاء

::السلام عليكم ورحمة الله وبركاته :: صدق أو لاتصدق الأخبار تقول 50 ألف ريال لماكينة خياطة والشائعات تدفع مواطنين بحفر الباطن لاقتنائها أما في سوق...

مكائن خياطة بـ 50ألف ريال فما فوق إشاعة أم حقيقة !؟ ( للنقاش )