السلام عليكم ورحمة الله وبركاتة إلى جميع اللإخوة العاطلين تحية طيبة قبل يومين إتصل بي أحد اللإخوة القطريين وهو صديق قديم لي أن هناك بعض شركات الطاقة في قطر فتحت أبواب التوظيف تحت سقف واحد أي أن هناك أكثر من مائة شركة طاقة(بترول)تقبل السير الذاتيه للي يريد العمل فيها صراحة انا رحت ووجدت جميع شركات الطاقة موجودة وهناك كذالك وظائف حكومية للقطريين فقط وتنظيم لم ارى مثله في حياتي فعلا شي خيالي استقبال طيب جدا من الشباب في قطر وترحيب لجميع الخليجيين الذين تواجدوا لتقديم السيرة الذاتية كل مايطلبونه منك c.v فقط وتعبي استمارة بيانات وسلمها للموظف الموجود في مقر الشركة المخصص طبعا بحكم قربي من دولة قطر في الدمام ذهبت با السيارة 3 ساعات وانا في الدوحة على العموم اللي يبي يلحق ترى الشركات فاتحة ابوابها بالنسبة للرواتب طبعا للأمانه ماسألت لأني حسب ماأعرف شركات الطاقة في قطر رواتبها زينة طبعا قدمت في ما يقارب 30 شركة . موقع التقديم في الدوحة عند الكورنيش قريب من نواطح السحب (المباني العالية) اسأل عن مجمع توظيف شركات الطاقة وإن شاالله يدلونك من أراد اللإستفسار أكثر للجادين فقط وحط في بالك الغربة يعني قبل لاتتعجل وتروح وتقدم وتنقبل فكر زين انك في منطقة بعيدة عن أهلك .طبعا أهل قطر صدقني راح يكونون لك مثل أهلك من أراد ان يستفسرأكثر شخصيا مني على الإيميل fox-979@hotmail.com اوهاتف 038654233 أذكر للجادين فقط ولمن لديه القدرة للعمل خارج المملكة .

شكرا لك

وأرجو ذكر مدة التقديم للإخوان

وأرجو من الاخوان في حالة قبولهم ان يكون إقدامهم على العمل بالخارج بصورة جدية وعدم الإنسحاب مستقبلاً

__________________
ومن يعمل من الصالحات وهو مؤمن فلا يخاف ظلما ولا هضما

كل شعب له حق في ديرتة ولآزم يأخذه بأي طريقة <<< وجهة نظر خاصة

بس ودي اسألك يالغالي بما أنك حطيت رقم هاتف

هل أنت مكتب توسط تجاري او توظيف ...؟؟

والله يوفق الجميع

تحية طيبة : بالنسبة ياشباب اخر يوم لتجمع الشركات يوم الخميس الموافق 16-4-2009 طبعا ليس معنى هذا الشركات ماتقبل السير الذاتية. لكن الله يعينك تمر على كل شركة في موقعها طبعا إذا مارحت قبل يوم الخميس لكن افضل اللي بيلحق يروح عنده الى يوم الخميس الساعة 8 مساءً منها تأخذ معلومات أكثر ونفس الموظف يشرحلك طبيعة عمل الشركة ومنها تغير جولأن قطر دولة جميلة وكثر من صور ال c.v لأنك بتدوخ وانت تقدم بعض الشركات يخلونك تسجل on line عن طريق الانتر نت عندهم جهاز لاب توب ويقول تعال دخل معلوماتك وانت واقف وهو بعد بيساعدك اذاكانت لغتك الانجليزية ضعيفة وبعدها يعطيك رقم مراجعة الله يوفق الجميع

حياك الله اخو راعي الغربية أنا لاني مكتب تجاري ولا شي ولا أبغى من اللي الله يوفقة في قطر الا دعوة طيبة في ظهر الغيب أنا في يوم من الايام كنت عاطل وحسيت بمرارة العطالة ومن ناحية كل شعب له حق في ديرته كلامك صحيح بس فيه ناس أوضاعها صعبة وعندها عزة نفس ومستعد يشتغل في اي مكان علشان مايمد يده حق اي أحد وأنا ابغى أخدم الجميع ولو أشتغل في قطر أهل قطر شعب طيب ويعتبرون أهلنا وفيه ناس من أهل قطر ترى يشتغلون في اسعودية الوضع عادي جدا

عفوا بالنسبة لوضع رقم التلفون والله ودي أحرص على الاخ اللي يبي يروح بالجدية في العمل واذايحتاج لوصف دقيق للموقع أو اي أسالة عن قطر او عن الشركات أو يبغى يعرف شي أنا ماذكرته اونسيته عن الموضوع .شكراً

مافيه تقديم بالنت ؟

يعطيك العافية ,,,,