حمدان ياحمدان أمك توصيك‎

msya1988 · #1 (**permalink**) 16-04-2009, 03:59 PM

يااخوان نصيحة لله الزم رضا الوالدة قبل فوات الأوان

الام ماتت والقصيده سلمها الدكتور للولد وهو يستلم الجثة

هذ ه قصيدة لأم تعيش في دار المسنين تنثر كل أحزانها بصوت الامومة لولدها الذي
رماها وتركها من أجل خاطر زوجتة التي رفضت العيش مع أمة.....؟؟ وتمر ثلاث
سنوات ولم ترى فلذة كبدها ولو مرة واااحدة فكتبت هذة القصيدة ....

يامسندي قلبي على الدوم يطريك ×× ماغبت عني وطيفك سمايا

هذي ثلاث سنين والعين تبكيــك ×× ماشفت زولك زايرآ يا ضنايا

تذكر حياتي يوم أشيلك وأداريك ×× والاعبك دايم وتمشي ورايا

ترقد على صوتي حضني يدفيك ×× ماغيرك أحدآ ساكنن في حشايا

وليا مرضت أسهر بقربك وداريك ×× ماذوق طعم النوم صبح ومسايا

ياما عطيتك من حناني وبعطيك ×× تكــبر وتكــبر بالامل يا مـنايا

لكن خسارة بعتني اليوم وشفيك ×× وأخلصت للزوجة وأنا لي شقايا

أنا أدري أنها قاسية ما تخليك ×× قالت عجوزك وما أبيها معايا

خليتني وسط المصحة وأنا أرجيك ×× هذا جزا المعروف وهذا جزايا

ياليتني خــدااامةً بين أياديك ×× من شأن أشوفك كل يوم برضايا

مشكور ياوليدي وتشكر مساعيك ×× وأدعي لك دايمآ بالهدايا

حمدان يا حمدان أمك توصيك ×× أخاف ماتلحق تشوف الوصايا

أوصيت دكتور المصحة بيعطيك ×× رسالتي وحروفها من بكايا

وأن مت لاتبخل علي بدعاويك ×× وأطلب لي الغفران وهذا رجايا

وأمطر ترااب القبر بدموع عينيك ×× ما عاد ينفعك الندم والنعايا—

___

أمي

أعــذرينـي . وأغفـري لي لو بيـوم ضـاايقتكـ .. أعـذري قلـب لو تقطـع لجلكـ مـاا قـدر يرضيكـ

abo naif · #2 (**permalink**) 16-04-2009, 04:23 PM

يعطيك العافيه والف شكر على القصيده ,,,,,,, والله يجعلنا ممن يبرون في والديهم في حياتهم وبعد مماتهم

حنين الرووح · #3 (**permalink**) 17-04-2009, 03:42 AM

وأن مت لاتبخل علي بدعاويك ×× وأطلب لي الغفران وهذا رجايا
وأمطر ترااب القبر بدموع عينيك ×× ما عاد ينفعك الندم والنعايا

الله لايحرمني من والدتي يارب ،، ويجعل يومي قبل يومها
تسلم أخوي عاطل على هالرائعه
والله يعطيك الف عافيه

تحياتي

حنين الرووح

___

راعية الابل · #4 (**permalink**) 17-04-2009, 03:45 AM

لاحول ولاقوة الابالله العلي العظيم
اووووف ياعاطل شنو سويت فيني بهالقصيده
حده حده اثرة فيييني ..
الله يخليلي الغاليه ويجعلني طوول عمري
مرضيتها ..
طرح قيم ويستاهل التقييم ..
تسلم يمناك لاعدمنااك ..
دمت بخير

msya1988 · #5 (**permalink**) 18-04-2009, 05:35 PM

اسـعـدنـي مــروووكـم الــعـــطــــر
واشـكـرك راعـيـة الابــل عــلـى الــتــقــيـيـم

تسجيل الدخول

حمدان ياحمدان أمك توصيك‎

الشعر والنثر

حمدان ياحمدان أمك توصيك‎