الوداع

جتني تودعني مسـا يـوم ألاثنيـن
جتني بظرف مـا يفيـد اعتراضـي

جتني ولوني انخطـف بيـن لونيـن
فيه السـواد وفيـه لمحـة بياضـي

قالت غصيبه يا حمــد فرقنـا شيـن
ولـزوم فرقانـا تجـي بالتراضـي

قلـت الخبروشلـون نبقـى بعيديـن
ودموعها قامـت تسابـق هياضـي

قالـت فمـان الله يغلـى المحبـيـن
حكم علينا ألوقـت والوقـت قاضـي

ماعاد أفيدك ياحمـد والمـرض شيـن
يمشي بجسمي مثل سيـل الفياضـي

بحكم القدر والوقت والعسـر ماشيـن
لازم نطيـع بقسمتـه وأن فراضـي

ملزوم ننسى ذكريـات لهـا سنيـن
ملـــزوم نــحســبهـا قــديـم ومـاضـي

عجزت أصدق وين أنا والخبر ويـن
وش هالقدر ياللي عرض لي عراضي

حــضنتهـا ولمـيـتـهـا بـالذراعـيـن
وتــقادحـت عـيني كما البـرق تاضـي

ممدانني أفرح فـي غلاهـا بعاميـن
وهل الـقدر غــصب علينـا أفتراضـي

أقفت وتمسـح دمعهـا لـي بكفيـن
وأقفـت تناظـرنـي بــفـرقـا الأراضـي

عجزت أشيل خطاي وحنـا مقفيـن
عجزت وجسمي يرتعـش بنتفاضـي

غصب علي با سايرالوقـت والبيـن
هـذا قــدرنـا مـا يــفيـد التــقاضـي

حسبي على وقت جمع وأفرق أثنيـن
ما شال هـم لحسرتـي وأغتياضـي

منــــــقول