تقديم الأمن العام يوم الثلاثاء

فاصل ونواصل · #**181** (**permalink**) 20-04-2009, 02:37 AM

اقتباس:

المشاركة الأصلية كتبت بواسطة عارف

اخوي يليت توضحي لية رجعوك لان معاي شهادة كمبيوتر ثلاثة اشهر بس مهي معتمدة من المؤسسة العامة للتعليم الفني والتدريب المهني
تنصحني اضيفها ولا لا
ارجو الافادة
والله يوفقنا جميعاً

طل عمرك أنا رحت لهم معي شهاده رخصه الدوليه بس مشكله الشهاده انها مو حطين تاريخ
ويوم وصلت لهم قالوا ليه معك شهاده قلت لهم ايوه
قال ليه ضابط طولك ووزنك مناسب
وبعدين يوم خلصت وعطوني ورقه الكشف الطبي قال ليه ضابط عطني اوراقك بنصدقه
وياليتي ما عطته قالي رخص دوليه قلت له ايوه قال عطني الكشف الطبي اللى توه عطيتك يوم عطيته قال امسك الباب
وقـــــــــــال بعظم لســــــــــانه ((( اقل شهاده كبيوتر تكون 6 اشهــــــــــــر)))

القناص العاطل · #**182** (**permalink**) 20-04-2009, 02:37 AM

نسبتي 66.51 يعني أقدم الخميس

ناشي المقاطي · #**183** (**permalink**) 20-04-2009, 02:38 AM

قول امين ياولد العم جعل هالجندي اللي قاللك الخبر يطلع من المهايطيه لان ياخوك والله الحال ضاق والعمر راح وانت تستحي من كل يوم والشايب يقلك تبي فلوس تبي دراهم والله حتى الشايب صار يحن على حالي وما عاد يسالني ويمرني وانا راقد ويرمي بكم ريال ويمشي ياشيخ بس خلها على ربك والتكوات بالحواري كبرنا عليها وملينا منها وحتى فرشنا ملت والله منا بس الله يعين وربك يصبر

يوسف العتيبي · #**184** (**permalink**) 20-04-2009, 02:40 AM

اقتباس:

المشاركة الأصلية كتبت بواسطة بريده

يوسف انا رايح اليوم لمدينة تدريب بريدة وقالولي زي كذا وكتب موضوع وحطيته طلع لي واحد يقول خلكم من هذا تراه نصااااااااااااااب ومادري كيف وعلماً اني كاتب بمشاركة ثانية بعد ماكتب الموضوع انه هالكلام على عهدة مدينة تدريب بريدة ولاأشيل بذمتي شئ بس بعض الناس مايفهم ابد تقوله تيس يقولك احلبه واكرر ماأشيل بذمتي شئ ولاأحد يجي يضيق صدري يقول ومايقول كل هالكلام ننقله عشانكم عساه يبين بعين البعض ويقول المثل المصري الميه تكذب الغطاس بكرى يبان كل شئ ان صدق جزاهم الله خير وان كانه كلام فاضي متعودين على الأمن العام كل شئ جاااااااااااااااااااااااااااااايز

هم لا نقلت شي عن مدينه التدريب وطلع كذب حطوا حليهم فيك وانت تبي الخير ياخي هذولي حثاله طحالب
ما عليك منهم .. وانت رجال اللي تسمعه قول سمعت من فلان قاله فلان وذكر مصدرك وبسس واللي عليك سويته اما اللي يجيك ويهايط فوق راسك ويسب قوله ::: يخه عليك

فاصل ونواصل · #**185** (**permalink**) 20-04-2009, 02:41 AM

اقتباس:

المشاركة الأصلية كتبت بواسطة يوسف العتيبي

لا يعني قدم في اليوم اللي موجوده فيه نسبتك يعني من السبعين لين الثمانين قدم فيه اللي هو يوم الاربعاء اذا كلامهم صحيح وان التسجيل بياخذ اسبوع فهمت علي يالغالي والله ان النظام زينن شين والله اعلم

تدري احس انها ضحكه على الخلق
بيوظفون اصحاب الواسطه قبل

المحب في الله · #**186** (**permalink**) 20-04-2009, 02:41 AM

السلام عليكم يااااااااااااااا حبايبي اخوكم المحب في الله ارجوكم عندي طلب ارجوكم ردو على قدر معرفتكم ارجوكم ((دورة امن المنشأة مجندين متى)) رد ياجعل ربي يوفقكم

يوسف العتيبي · #**187** (**permalink**) 20-04-2009, 02:42 AM

اقتباس:

المشاركة الأصلية كتبت بواسطة ناشي المقاطي

قول امين ياولد العم جعل هالجندي اللي قاللك الخبر يطلع من المهايطيه لان ياخوك والله الحال ضاق والعمر راح وانت تستحي من كل يوم والشايب يقلك تبي فلوس تبي دراهم والله حتى الشايب صار يحن على حالي وما عاد يسالني ويمرني وانا راقد ويرمي بكم ريال ويمشي ياشيخ بس خلها على ربك والتكوات بالحواري كبرنا عليها وملينا منها وحتى فرشنا ملت والله منا بس الله يعين وربك يصبر

تخيل يومياً اصحى الصبح اودي اخواني المدرسه ويعطيهم ابوي الفسحه ويعطيني معهم
عشره ريال

ههههه ولا اخذ الشاص منه اودي العيال واروح اشتري فطور واشغل ام كلثوم علاما هذا الخلافو علامااا هههههه خلها على ربك

فاصل ونواصل · #**188** (**permalink**) 20-04-2009, 02:42 AM

يا شباب انا اتصل عليه عليه جاري اليوم الظهر وقالي التقديم بكره ما قلي أنهم بيخذون بالنسبه

ناشي المقاطي · #**189** (**permalink**) 20-04-2009, 02:42 AM

ياشباب استودعكم الله الذي لاتضيع ودائعه والوعد بكره واسال الله ان نكون من المقبولين عنده يوم القيامه قبل ان نكون مقبولين بالدنيا وسبحانك اللهم وبحمدك لااله الا انت استغفرك واتوب اليك

دوريات الامن · #**190** (**permalink**) 20-04-2009, 02:43 AM

بسم الله الرحمن الرحيم
ما اتعقد انه بالنسب لاني يوم سالت الضابط الى بمدينة تدريب مكه قالى خليك على الموقع عشان تلحق لك من الارقام الاولى عشان تختار التخصص الى يعجبك
[IMG]http://up.*****.com/files/78300/1235430615.jpg[/IMG]