مبروك للجميع ان شاء الله

وبعد طول عناء تستاهلوووا ياشباب الخير وكل تاخيره ان شاء الله وفيها خيره

بس ماطلع اسمي والله يستر لايكون غيروا المدينة اللي كنت مقدم فيها ،،

الحمدلله مريتهم اليوم وأهل الرياض بين مكتبة النسيم العامة ومكتبة السويدي العامة
ويراجعون الشؤون الثقافية يوم السبت ان شاءالله وتصير امورهم منتهية لان باقي لهم التوجيه
مابعد وجهو أحد لاي مكتبة من المكتبتين الي ذكرت

وسألت الموظف الزهراني الي ماسك الامور عن المعينين وهم خارج الرياض
قال يتوجهون للمكتبة العامة في منطقتهم

مثلا الي بحريملا ساكن يروح لمكتبة حريملا مايحتاج يجي للرياض لانهم شغالين على ارسال الاوراق
للمكتبات العامة فيا ساكن خارج الرياض وانت طالب نفس المدينة الي انت فيها رح للمكتبة العامة الي بمدينتك

اتمنى اني اكون افدتكم واتمنى لي ولكم التوفيق في قادم الايام ونسأل الله ان يعيننا على الاخلاص والامانة



وقتا سعيدا للجميع ودامت الافراح ان شاءالله

بسم الله الرحمن الرحيم

اليوم رحت للمكتبه ..وحصلتها مقفله عليها صيانه مبذ مبطي تقريبا سنه

..حصلت عمال مصاريا يستغلون اخذ رقم المدير المكتبة طال الله عمره

واتصلت عليه جوال وجاني توها صاحي من النوم الساعه 10 ونص ..ماشاء الله موظف نايم .

المهم قلت له انا موظف الجديد قالي ماعندي اي خلفيه عن الموضوع راجع الرياض ..

واتصلت على الزهراني وقالي اعطني فاكس حق المكتبه ارسل لك قرار التعين

وطلع المكتبه ماعندهم فاكس ولا حتي جهاز كمبيوتر ولا كرسي

لسه ماجاء الاثات حقهم باقي عليه يمكن سنه لووووووووووول

المهم رحت اقرب محل فيها فاكس وارسل لي الزهراني خطاب التعين ..ورحت بنفسي للمدير قالي ماعندي جهاز اكتب لك المباشره

قلت له عندي لاب توب حقي سويينا المباشره


وطباعتها على روقة اخذتها من مدير المكتبة عند محل الاتصالات وختم لي المباشره واخذ الاصل معاي

واتصلت على الزهراني قالي

1- سوي ورقة تحويل براتب من البنك ...ودخلت البنك قالي رقم الوظفيه تبعك برضوا اتصلت على الزهراني واعطني رقم الوظيفه

2-وقالي كمان خطاب من المدير المكتبه للادارة الاحوال المدنية لتعديل المهنة ..هذا لسه ماصلحتها يوم السبت بروح اسويها واعدل المهنه

وبعدين قالي الزهراني تجمع الاوراق الثلاته وترسلها لي على البريد الممتاز على الرياض
الاوراق هي

1- خطاب المباشره
2- ورقة تحويل الراتب
3- ورقه تعديل المهنه


وهذا الي صار معاي

ولله الموفق

الله يعين والله حوسه

شباب بالله اعطوني الرقم اللي يردون عليه عشان بسأل عن وضعنا حنا مراقبي المطبوعات

السلام عليكم
الف الف مبروك للمتعييين

بيان بأسماء المرشحين بالمسابقة الخاصة لوزارة الثقافة والإعلام. ( أمين مكتبة ) (م 6)

للإطلاع لأسماء المعيين
الرجاء زيارة الرابط التالي :

http://www.info.gov.sa/LibResults.aspx

بالتوفيق للجميع

وهم هذي الاسماء قديمه

في دفعه جديده

أخوي المذهل السوؤن الثقافيه تتبع فقط للمكتبات ..