وين الشباب الي تعينو نسونا خلوكم معنا شوي لين نتعين مثلكم ترى باقي كم وظيفه بس تحملونا كم اسبوع نحس انكم معنا
بعدين علمونا وش صار معاكم في الدوام وعدد الساعات واخبار الرواتب
يالله بالتوفيق وعقبال الزواج والبيت للعزابيه
لاتنسونا من دعواتكم

اخوي بوريم

ابشرك الشباب اللي باشرو مبسوطين على الاخر
وخصوصا ان الدوام ست ساعات فقط
من 8 - 2
والراتب 5066

عقبال ما تطلع مباشرتنا ان شاء الله

وين الناس وين التفاعل الكل ذهب ولم يرجع وين أهل الرياض شباب تعاونوا لما فيه من مصلحة الجميع شباب أنا اليوم اتصلت على الوزارة وسألت عن التعيانات عن أمناء المكتبة ومراقبي المطبوعات وقال لي الموظف أنها ستنزل هذا الاسبوع أم الاثنين أو الثلاثاء هذا كلام منقول والله أعلم مع تمنياتي لكم بالتوفيق

الله يبشرك بالخير
ان شاء الله هالاسبوع تطلع مباشرتنا
وربعنا راحوا وخلونا الله يوفقهم
اليوم رحت لزميلي اللي طلع اسمه قبلي في نفس المكتبه اللي انا مقدم عليها
وادري انه بيشوف كلامي هذا ( صح يابو ابراهيم ) ههههه
المهم لقيته مفنجل شرب شاهي وبسكوت عز الله الدوام المضبوط
ان شاء الله الاسبوع هذا نشرب الشاهي والبسكوت وحنا على راس العمل

مصلح انت في اي مكتبة

بالتووفيق للجميع على قولتك ياخوي كلن لقاا رزقة
وتعين وانشغل كل واحد ابشركم انا تعينت وباشرت
من الاربعاء اللي راح طبعاا انا فني الكترونيات م5
رحلت لمكان تعيني ولقيت المباشرة عندهم وصلت
وابشركم مديري جداا جداا متفاهم واخلاق الحمد الله
وباقي اخلاص ورقة الخدمة المدنية
لتغير مسمى : الوظيفة
وخطاب للبنك الراجحي
افتح رقم حساب عندهم
بس والله حركات الراجحي وي وي هههههههه
المهم والله والله الدوام دلع جلسة
وفطور الصباح
وشااهي يعني الى الحين فترة تدريب وبعدين تمسك شغلك ..
ما ابي اطووول عليكم وعقبال الجميع
وان شاء الله تصير الفرحة
فرحتين يارب ولا تنسوناا من دعواتكم لي بالزواج تكفوون يارجال ة^ة هههههه وسلامتكم

الله يوفق اخوانا الباقين امناء المكتبات وتطلع اساميهم بالنسيه لي دوامي والحمد لله من 8 الى 12 حاليا بسبب ان المكتبه فيها ترميم كامل للمبنى وحنا خمسه موظفيين في الصباح و ثلاثه العصر ولايوجد عندنا اي عمل الان شرب شاي وتصفح النت وقراءه الجرايد وسلامتكم ويارب تعجل باسماء الدفعه الثانيه

الناس وين التفاعل الكل ذهب ولم يعد الله يكتب بما فيه الخير والبركة أناشد اهل الرياض بالمتابعة مع الوزارة ياليتني بالرياض والله لأجيب لكم الاخبار أول بأول على العموم أرجو من جميع الشباب بأن لا يبخلوا علينا بأي معلومه عن التعينات وأنا عندي إلهام بأنها ذا الاسبوع إن شاء الله حنا مراقبي المطبوعات وأخواننا أمناء المكتبات والفنيين يا الله يا كريم تطلع ذا الاسبوع ونرتاح من الهموم عفوك وسترك يارب
موفقيين جميعا

آمين يارب