امين مكتبه وزارة الثقافه والاعلام

مسكاوي · #**361** (**permalink**) 15-06-2009, 02:44 PM

ياشباب انا رحت الديوان اليوم وسألت عن وظئف امناء المكتبات وقالوا انها راح لمكتب الترشيحات ورحت هناك ولقيت ثلاثه شباب كواحد على مكتب وكل واحد ما كأنه يشوف احد قدامه ولا يتكلمون الا من روش خشومهم وسالتهم عن امناء المكتباب وش صار عليهم يقولون ماصار عليها شي وراح تلاقي الخبر عند الوزارة ما نقدر انفيدك بشي وفي الاخير قال رح للمدير اذا بيساعدك ؟ ورحت للمدير وسالته نفس السؤال يقول باقي ماصار شي وراح تلاقي الخبر في الوزارة وشفت ملفاتنا عنده بالمكتب مركونه على جنب .. قلت له طيب متى راح تخلص
قال وش اليوم قلت الاثنين قال يمكن الاسبوع الجاي مو اكيد . يعني ما طلعت بشي مفيد من عنده .. فلذلك اللي يعرف احد في ديوان الخدمه او وزارة الخدمه او احد من اقاربه ومعارفه يعرف احد في الديوان فكلموه يكلمهم يخلصون بتسجيله في الجهاز ويرسلونها للوزاره في اسرع وقت .. تعبت من كثر ما اروح لهم .. واليد الوحده ما تصفق

والله يوفق الجميع

طارق بن صالح · #**362** (**permalink**) 16-06-2009, 04:42 AM

وصلني هالخبر
فيه ناس من الي مقدمين على وظائف امين مكتبة مرشحين على وظائف ولهم ارقام وظيفية
ومعنى هالكلام ان امورهم منتهية بس باقي لهم ورقة المباشرة وهذي ماندري متى بتصير .

ولا ادري هل كلنا لنا ارقام وظيفية او بعضنا وهل انا من ضمنهم او لا؟

ان شاءالله تفرج قريبا

قلب ولدي · #**363** (**permalink**) 16-06-2009, 05:16 AM

الله يبشرك بالخير ياطارق بن صالح
ان شاء الله بدت تزين الامور
فيه واحد من ربعي مقدم معي بيروح لهم بكره قصدي اليوم الصباح يعطيهم فحصه
لان الطلحه اتصل عليه قبل يومين وطلب فحص جديد
وان شاء الله يعطيني الاخبار واعلمكم
وان شاء الله انها اخبار تسر يارب

طارق بن صالح · #**364** (**permalink**) 16-06-2009, 05:46 AM

قلب ولدي

الله لايهينك لو توصي خويك يسأله عن الي رشحوهم الخدمه على وظايف وانتهت امورهم وش يصير عليهم

الكوثر · #**365** (**permalink**) 16-06-2009, 07:38 AM

اقتباس:

المشاركة الأصلية كتبت بواسطة طارق بن صالح

وصلني هالخبر
فيه ناس من الي مقدمين على وظائف امين مكتبة مرشحين على وظائف ولهم ارقام وظيفية
ومعنى هالكلام ان امورهم منتهية بس باقي لهم ورقة المباشرة وهذي ماندري متى بتصير .

ولا ادري هل كلنا لنا ارقام وظيفية او بعضنا وهل انا من ضمنهم او لا؟

ان شاءالله تفرج قريبا

السلام عليكم ورحمة الله و بركاته

هل تقصد أن الي لهم أرقام ( قدمو على وظيفة أمين مكتبه من قبل )
لأنه قبل سنتين كان في تقديم في وزارة الخدمة المدنية
و أعطونا أرقام و من يومها ما شفنا شي

ريح المطر · #**366** (**permalink**) 16-06-2009, 08:27 AM

موفقين بأذن الله
اخواني ياليت تفيدوني ... طلع اسمي من ضمن المرشحين للوظائف الادارية في جامعة الطائف - امينة مكتبة على المرتبة السادسة ...وتم تحديد موعد الاختبار غدا الاربعاء ....
سؤالي للاشخاص الي اختبر قبل كذا لنفس الؤظيفه .. ماهي نوعية وطبيعة الاسئلة الي جات في الاختبار ؟ اختيار من متعدد او موضوعي او مقالي ؟
ابي اعرف نوعية وطبيعة الاسئلة الي جاتكم في الاختبار لوزارة الاعلام ؟ ....
ولكم جزيل شكري وامتناني

طارق بن صالح · #**367** (**permalink**) 16-06-2009, 10:22 AM

اخوي الكوثر الي اقصده انه مسجل عند وزارة الخدمه المدنية
" فلان مرشح على وظيفة امين مكتبة المرتبة السادسة رقم الوظيفة 1234"
عاد نفس الارقام الي قبل ما ادري

ريح المطر

الله يكتب لك الخير ويوفقك اولا

ثانيا عادة الاختبارات تكون عامة وفيها تخصص ومن اسئلة اختيار متعدد
لاتشيل هم وتوكل على الله والمكتوب مامنه مهروب ونصيبك يصيبك

مخطوط · #**368** (**permalink**) 16-06-2009, 10:54 AM

اقتباس:

المشاركة الأصلية كتبت بواسطة ريح المطر

موفقين بأذن الله
اخواني ياليت تفيدوني ... طلع اسمي من ضمن المرشحين للوظائف الادارية في جامعة الطائف - امينة مكتبة على المرتبة السادسة ...وتم تحديد موعد الاختبار غدا الاربعاء ....
سؤالي للاشخاص الي اختبر قبل كذا لنفس الؤظيفه .. ماهي نوعية وطبيعة الاسئلة الي جات في الاختبار ؟ اختيار من متعدد او موضوعي او مقالي ؟
ابي اعرف نوعية وطبيعة الاسئلة الي جاتكم في الاختبار لوزارة الاعلام ؟ ....
ولكم جزيل شكري وامتناني

الي الاخت ريح المطر لقد سبق لي ان قدمت على جامعة الطائف وكانت اسألتهم متنوعة مثل اختيار من بين متعدد وصح وغلط ومقالي وتكون في التخصص(المقالي) وعلى ما اذكر اكتب بطاقة فهرسة كاملة و اذكري الحقول الخاصة ببطاقة الفهرسة وعن التقنين الدولي للوصف الببليوجرافي (تدوب)
,,,,,,ويش ثاني .......... واكتب الخطة الرئسية الاولى التي تقسم المعرفة الى عشرة اقسام ..........وغيره .........اكتب الرقام التصنيف للمواضيع التالية او بلعكس و عدد الاوراق على اختباري 5 اوراق والاسئلة مشكلة معلومات عامة سطحية وصحية ممكن سؤالين تقريباً ولاانسى اهداف المكتبة الجامعية
اما وزارةالاعدام اقصد الاعلام اسهل اسئلة اختبرتها والحمد لله كلها صح لاوغلط

وهذا الي في راسي وعلى اختباري للشباب

والله يفقك ولا نحتاج إلا الدعاء

مخطوط · #**369** (**permalink**) 16-06-2009, 11:02 AM

صباحكم ورد وفل وياسمين
في جديد عن وزارة الاعدام هذي
على العموم الصبر زين ونهاية طيبة
والله ماحد مايدري يمكن خيره انا داري انهم طولو موبس الا سمجت
لكن ان شاء الله تيسر تفاءلو بالخير تجدوه واكثرو من الأستغفار والصلاه على النبي - صلى الله عليه وسلم_

وسلامتكم