04-07-2009, 06:12 PM
|
عضو جديد
|
|
تاريخ التسجيل: Apr 2008
المشاركات: 18
معدل تقييم المستوى: 34
|
|
انا رحت يوم الاربعاء الديوان وكانت الساعة 11 صباحا ولقيتهم يعدلون الخطاب والخبر اللي جاني انهم يعدون الخطاب من يوم الاثنين هههههه وجيت يوم الاربعاء وباقي يعدلون فيه وقالي واحد تعالي بعد الظهر تلقاهم ان شاء الله مخلصينه . ورجعت لهم الساعة وحده وربع ظهرا ولفيت الديوان وسألت ولقيت واحد وعنده المدير العام ويقوله لازم ننهي اوراق الاعلام اليوم وترسل السبت وبعد ما طلع المدير قالي الموظف الحين بروح اسلمهم الاحصائية ونخلص موضوعكم ان شاء الله اليوم ونرسلها يوم السبت . قلت له يعني اجيك السبت قال تعال خذ رقم الصادر اذا تبي والله وجيتهم اليوم السبت الساعة 10 ونصف ورحت قسم الصادر والروارد وقالوا ما جانا شي ولا ارسلنا شي اطلع لهم فوق واستفسر .. ورحت ادارة الترشيح ويوم جيت اقلم مدير الترشيح لقيته يرد على واحد بالتليفون ويقووله بالنسبة لاعلام امورهم منتهيه وراح ترسل بعد الظهر اتصل بعد الظهر اذا تبي اعطيك رقم الصادر فأخذت نفسي وطلعت من غير ما اكلمه لان الرد واضح .. ورحت ورجعت لهم بعد الظهر على الساعة 1 ظهرا ومريت قسم الصادر والوارود وقالوا ما ارسلنا شي ولا جانا شي اطلع فوق ورحت ادارة الترشيح ودخلت على مدير ادارة الترشيح وسألته عن امناء المكتبات وقال هذا الخطاب امامي وش اسمك وعطيته اسمي وقعد يدور له في الاوراق ويالله حصله في الورقه الاخيره هههه بعد ما خفت لانه يقول فيه ملفات عليها ملاحظات باقي ما خلصناها .. قال هذا اسمك موجود قلت الحمدلله طيب متى ترسل قال بكره قلت اليوم مايمدي قال لاء بكره راح نرسله والاثنين راح تلاقيها في الوزارة بعد الظهر قلت ان شاء الله اهم شي ما تتاخر اكثر من كذا قال لاء بكره نرسلها ان شاء الله قلت ان شاء الله .. هذي علومي لكم وعسى الله ييسر الامور ويوفق الجميع .. بس اتمنى منكم تتابعون مع الوزارة علشان ما يأخرون مباشرتنا .. ابيكم تشبون عليهم بالرغم ان مدير شؤون الموظفين قد اتصلت عليه يوم الاربعاء وقلت له لو وصل الخطاب عندكم يوم السبت راح نتأخر ولا نجيكم على طول قال ابد اذا وصلت السبت تعال يوم الاحد او الاثنين قلت له مره قال مره .. قلت زين ... بس اهم شي ما يأخرونا . فلذالك نبي منكم الهمه وتراجعونهم لعلهم يعجلون بأوراق المباشره .. والله ييسر الامور ويوفق الجميع
|
العرض العادي
