25-03-2007, 09:35 PM
|
|
Guest
|
|
تاريخ التسجيل: Sep 2006
المشاركات: 1,082
معدل تقييم المستوى: 0
|
|
حياك الله اخوي وهج
سلمت على هذا الطلب الرائع
وتمنيت ان تكون في رابط واحد
فاذا تستطيع أن ترسلها لي
او لأخي البطالة لتكون في رابط واحد
من زمان ابحث عنها
لدرجة أنني اتصلت بالشاعر ثامر الميمان وطلبته هذي القصيدة
فقال لاتوجد لديه على على كاسيت
وطلبت منه يلقيها لكي اقوم بتسجيله بصوته
لكن كان رده رائع جدا
لقد قال لي
ان هذي القصيدة كان لها وضع وتأثير من الواقع
ولم يلقيها الا مرة واحدة لدرجة أن عيناه ادمعت وهو يلقيها
فهو يتكلم بكل شفافية ومنطق وصدق
وسأنزل القصيدة هنا بعد ردي هذا
لكن يا اخي الرابط رقم 5 نفس الرابط رقم 4
ياليت تنزل الرابط الأخير,
يــــــــــــــــــمـــــــــــــــه
يمه أنا ودي أقول للناس!!
عن الشيمة عن الحسرة عن الإحساس
عن العمر إللي ملآه اليأس
**
أنا ودي أضحكهم,,
ابكيهم ,,,,احكيهم
عن الدمعة وليل الخوف
عن القصة حروف ، حروف
********
عن جروح تسافر بي!! وترقى ثم تحول بي مثل غيري من الأجناس ...
وأنا عمري يقول يمه
وأنا فرحي يقول يمه
وأنا جرحي يقول يمه
اذكرهم افكرهم
اسولف عن جروح وليل ...احبك ياغلآتي حيل
اذكرهم وأنا توي صغير(ن) مرقدي صدرك
لحافي يجمعه صدرك
ضحاكي مبعثه صدرك
وزادي منبعه صدرك
وأداري الجرح في صدرك ...
**************
تربينا على كلمة
تجمعنا على كلمة
تحابينا على كلمه
**
وزاد ناكله بصحاف .
وحنا مثلنا آلاف ...
تلمي القرش فوق القرش
نبي نشري ثياب وفرش
نبي نجبر خواطرنا
ورب الكون يسترنا
تقولي للولد منا
أبيكم للزمان رجال
أبيكم فارس وخيال
أبى لآصاح فيكم جار
يبيكم والزمن دوار
تفزوا له صغار وكبار...
أبا اشرح بعض قصتنا
وكل الناس قصتنا
ليا أذن مطوعنا
يجي صوته بمسمعنا
تصيحي تقولي يا ولد صلوا
توضينا ..تصابحنا.. وصلينا
رفعنا للسماء كلمه,, تصعدها بواكينا
وبعد نص الملأ ما فاق
الآ يا كاتب الأرزاق
ألا يالله تهدينا
...
انا..أعرف إن الجروح كبار
واعرف إن الزمن دوار
وأنا اذكر وش تغدينا
ومابة شيء بأيدينا
أنا اذكر يوم صار العود
على كيفه وتباكينا
أنا بإذني سواليفه
وممشانا على كيفه
...
أنا اذكر طفية الفانوس
وأنا اذكر لدغة الناموس
وطعم الرز والمعدوس
ولآبه شرح أو قاموس
**
أنا اذكر ثوبي البالي
أشوف الحال بعيالي
وأنا اذكر صيحة الفران
وأنا اذكر ونة الجوعان
أنا اذكر كل ذا كله
ندور للخبز بله
أنا اذكر لآشكى شاكي
صفعتيني وأنا باكي
وأنا اذكر دعسة خطاكي
...
تقولي يا ولد جنيت...
تطارد يا خبل الونيت.
وأنا اذكر كل ذا واسأل ..!!
زماني راح وتبدل ..!!
زمااااان(ن) راح وتبدل,
التعديل الأخير تم بواسطة الووووووووف ; 25-03-2007 الساعة 09:42 PM
|
العرض العادي
