السلام عليكم ورحمة الله وبركاته .. كيف حالكم ان شاء الله دايماََ تكونون بخير
أخي الفاضل انا موظف بمندوبية التربية والتعليم((بنات)) على بند الاجور فئة ب مؤقت منذو 22/9/1424هـ مقدار الراتب 2024+بدل سكن 400 يعني يطلع لك 2424 وقد تم تثبيتنا على وظائف رسميةبالمرتبة الرابعة كاتب وقد لفت نظري قسم الانظمة والقوانين وبالاصح اي استفسار عن التامينات الاجتماعية وانا بصراحه ماسجلت بالمنتدي هذا الا علشان شفت فيه من الفايده الكثير أولاَ وثانياََ يبون يصرفون لي 66 يومـاََ من رصيدي من الاجازات وثالثاََ يبون يصرفون لي مكافاة عن خدماتي منذو تعيني يعني لي مايقارب الخمس سنوات وخمسة شهور وابي بصرحه اعرف كم يجيني من الدراهم وابي فزعة اهل الخير ويقولون لي كم يجيني من الدراهم فيها سفره على الصيفيه ل مصر ويرشدوني ايه افضل اضيف خدمتي لمصلحة التقاعد والا لاء؟ انتظر تفاعلكم مع الموضوع وبالاخص الاستاذ مقهوور بقووه وياليت القاء الجواب الشافي والمقنع اخوكم في الله

كم يجيك من مكافأة ماتدري كيف يحسبوها لذلك تسأل فيها الإدارة المالية

هل تضيف خدمتك لمصلحة التقاعد , المفروض انها تنضاف آلياً لكن اذا ماانضافت تسوي لها اضافه لانها في مصلحتك وحتى لاتعيد حياتك الوظيفية من البداية , مثلا باقي لك 25 سنة حتى تقدر تتقاعد لو اضفت هذه تقدر تتقاعد بعد 20 سنة وتوفر الخمس سنوات الي عملت فيها ولاتضيع عليك بدون فائده

الله يوفقك

يعطيك العافيه على المشاركة والبادرة الطيب وتفعلك مع موضوعي انا ادري الادارة المالية بس الاداره المالية كل يوم اكلمهم واحد يعطيني واحد وكل واحد له كلام ومايبون يعلموني وبالعربي يبون يستفيدون من وراء حسابنا أما بالنسبة لضافت الخدمة ياخي فانا مخير بين امرين اما ان اضيفها لمصلحة التقاعد او اخليها واذا تقعدت يمشىء لي تقاعدين بنفس الوقت من مصلحة التقاعد ومن المؤسسة العامة للتامينات الاجتماعية قلت انا شفت هالمنتدي النير قلت خلني استفيد كم يعطوني من اجازات ومكافاة الخدمة وافيد والقاء الجواب الشافي والمقنع من اخوي مقوور بقووه وعدني يرد على موضوعي بعد يومين ومن طول الغيبات جاب الغنايم بس حبيت انشب بحلوقهم واعرف وش لي وش على بالتفصيل الممل يافديتك وشكرين ومقدرين على تعقيبك

ولك منى خالص التحية والتقدير