السلام عليكم

هذي اول مشاركه لي بالمنتدى وانشالله استفيد وتستفيدو مني .

سجلت بالمنتدى لانه عجبني ومتركز على الجرح اغلب الناس هذا السبب الاول
والسبب الثاني انه ضاقت بي الدنيا وابي اشوف معكم حل

انا مو موظفه ولا عندي شهاده جامعيه لاسباب مريت فيها ومعي طفلين وزوجي موظف حكومي راتبه 5000 ريال .
تقسيم الراتب شهريا 1500 للبنك مديونين له و200 للناس المديونين لهم واغراض البيت وخاصه للأطفال لانهم بسن محتاجين لامور مثل الحليب والحفاظات الله يعزكم تروح اقل شي 500 ريال للأغراض وتعرفو المواد الغذائيه في تزايد وبعض الاشهر فيها فواتير واجار كم يبقى من 5000 ولا شي من اول يوم بنزول الراتب .
زوجي جامعي ادارة اعمال موظف بمدرسه كاتب للمعلوميه .
يمكن قلت لكم بأسلوب مو حلو او اني قلت كل خصصياتي بس لاني من جد محتاجه احد يعلمني وش اسوي او احد يقولي في وظايف بالثانويه علمي ؟
بليز لا احد يلومني على طريقة كتابتي بس اكتب واحس اني فعلا مو عارفه وش اسوي.
ممكن في ناس اعظم مني ما انكر وانا احمد ربي على كل شي ..............
والله ولا اكذب وهو فوقي اغلب الاشهر تجي وتخلص امور تخص الاطفال وماعندي علشان اشتري لهم وتكون ضروريه مو كماليه فواتير مو قادرين نسددها ابي الحل .

الله يساعدك اختي هذي هي الدنيا لكن حاولي تدورين لك وظيفة ادارية مثلا بمدرسة لعل وعسى تساعد . حاولت اساعدك على الي اقدر عليه الله يعين الجميع

يعطيك العافيه سما على رايك وعلى مرورك للموضوع

أختي العزيزة...زفرات أنثى

اول شيء الله يفرج همنا وهمك والله أنه في ناس

اسوء من حالتك الله يفرجها عليك لكن أكثري من الإستغفار

والحمد والشكر على كل حال والله إني أدعي لك من قلبي

الله يفتح لك أبواب الرزق إن شاء الله وبعدين ما تضيق إلا أن تفرج

بمشيئة الله ولا تيئسين دوري في المدارس الأهلية وتابعي المنتدى

كل يوم إعلانات عن الوظايف جزاهم الله خير وإن شاء الله ربي يكتب لك

الرزق عاجلاً غير آجل...

أختك..كيميائية عاطلة

هاجروا إلى الامارات


وإن شاء الله بتلقووووون كل خير

من تجربتي الشخصية أقول عليك بالدعاء والاستغفااااااااااااار فهو سبب لجلب الرزق .
وتابعي المنتدى ففيه نعم الأخوة والتعاون ..
ودوما يكتب مايستجد من وظائف ..

كيميائيه عاطله تسلمي حبيبتي والله يرفرجها علينا وعليك وعلى المؤمنين والمؤمنات

فلاتينو فكرت فيها هههههه اشكرك

سعد تسلم اخوي وانا الحمدالله مسويه هذا الشي وانتظر الفرج من ربي توكلت على الله

لو لو كتي تسلمي على فكرتك بس لو اني اعرف بالفوتوشوب كان كويس ما حترت كثير

يعطيكم العافيه جميعا واشكركم على ردودكم الي كنت محتاجه لها وانا لولا اني احس بلاقي فايده من المنتدى هذا واحس فيه ناس متعاونه مع بعضها ماكان سجلت فيه ولاني كنت ادخله كزائر لي فتره وعجبني كثير .
الله يرزقنا ويرزكم

شوفي وش هوايتك وحاولي تستثمريها

مثلا لو كنتي تحطين مكياج حلو حاولي تتمرسين اكثر لو كنتي خبيره في الرسم دربي ع الرسم

لو كنتي سريعه بالطباعه ع النت اطبعي بحوث وهكذا....

انا قد مارست هوايه خلال شهر بس طلع لي مردود مادي حلو تجاوز 5 الاف ريال

ولا تكلفت راس مال

دربت بمركز صيفي ع الرسم لان الرسم كان هوايه لي تجربه حلوه كانت

ما أقدر أقول إلا الله يفرجها عليك يا رب و يرزقك
و سامحيني أختي ع القصور