وربي لو ماني منحده ماسألت ...

عاطله خانم · #1 (**permalink**) 26-04-2009, 05:57 AM

السلام عليكم ورحمة الله وبركاته

مدري كيف ابد ولا وش اقول

محتاجه وظيفه مهما كانت شهادتي كفأه وعندي حاسب وسكرتاريه 3 شهور
واللي حادني ع الوظيفه عندي اربع اطفال وزوجي مسجون وحكمه 15 سنه مضى منها 4 سنوات وياعالم متى بيطلع والضمان مادري وين اقسمه هل هو ايجار ولا مصروف البيت ولا حق السواق للمدارس ولا فسحة اولادي ولا كهرب وربي تعبت نفسيا
كل مارحت مكان مسكره بوجهي

وربي لو مو منحده مافكرت ..... الله المستعاااااااااااااااااااااااان

حاطه الامل بعد الله بالمنتدى واهله اللي يعرف احد من اهل الخير يسددون اجار ولا يساعدون يقولي ماعرف احد ولا احد مسنع اموري
الله يجزاكمـ خير

احلم بوظيفه · #2 (**permalink**) 26-04-2009, 06:23 AM

وعليكم السلام ورحمة الله

الاستغفار بركه وربي كريم مافيه اكرم منه .. هذاني عاطل 19 سنه ولا حصلت وظيفه ولا من يوظفني

الله يرزقك من ابواب رحمته واياك

رامي · #3 (**permalink**) 26-04-2009, 07:00 AM

وعليكم السلام ورحمة الله وبركاته

الله يخرج زوجك بالسلامة , ويحفظ ابنائك من كل سوء وكرب ويجعلهم قرة عين لكي في الدنيا والاخرة ويارب ياكريم تفرحي فيهم وفي نجاحهم يارب ياكريم

ياليت توضحي مدينتك, لان هذا الشئ يساعدك في خدمتك من اخوانك واخواتك المنتسبين للمنتدى

الله يفرج همك وويسر أمرك ويرزقكي انتي وابنائك وزوجك من حيث لاتحتسبوا

اللهم آمين

000000000000000000

اعتقد والله اعلم والعلم عند الله
يوجد لجنة خيرية تتبع للامارة او ادارة السجون تساعد أهل المسجون
وماني متأكد ياليت تسألي ادارة السجن.

رامي · #4 (**permalink**) 26-04-2009, 07:08 AM

بعد البحث وجدت
لجنة رعاية السجناء في منطقة الرياض
شوفي الموقع والخدمات المقدمة
http://www.rpc.org.sa/index.php

او اتصلي عليهم من خلال الرقم التالي
مفتاح الرياض 01

الخط الساخن( نساء ) 4776776

ام عيالي · #5 (**permalink**) 26-04-2009, 07:25 AM

الله يرزقك ويوسع عليك

عليك اختي بصلاة اخر اليل تضرعي لرب العباد غياث المستغيثين وارحم الارحمين

بيده الرزق وهو على كل شي قدير

رحيمي · #6 (**permalink**) 26-04-2009, 07:28 AM

الله يفرج همك ويعينك على تربية أولادك ويرجع لك زوجك ، لا تيأسي إن الله على كل شيئ قدير
وضروري تحددي مدينتك عشان نقدر نخدمك ،،

عاطله خانم · #7 (**permalink**) 26-04-2009, 10:37 AM

انا من الرياض
مساعدة اسر السجناء لي 4 سنوات مره عطوني ربع الاجار وكرتون ارزاق
وبطاقة العثيم فيها 250 ريال تخيلو خمس انفار ع 250 وظاعت بطاقتي من 3 شهور وللأن اراجعهم ماطلع بطاقه لايسددون اجار ولا كهرب ماشفت الا مساعدة العثيم الله يجزاهم خير

الله يجزا خير كل من دعا لي

Mo chuisle · #8 (**permalink**) 26-04-2009, 11:20 AM

الله يفرج همك اختي ويحفظ لك ابناااءك ..

والله يرجع لك زوجك عاجلا غير اجل ..

عليك بالصبر وباذن الله رح تفرج

الله يرزقك من اوسع ابواابه

أم الوظائف · #9 (**permalink**) 26-04-2009, 09:22 PM

سوي بحث عن كل المدارس الاهلية اللي يمكم..
وجميع مراكز القران..
وجميع مراكز التجميل..
وجميع الجمعيات الخيرية..

واتصلي عليهم جميعا.. وسأليهم..
و كتبي رقم جوالج واسمج ام فلان.. واذا رحتي لاحدى الاماكن اللي ذكرتها.. اطلبي منهم اذا يعرفون احد يعطونه رقمك.. سويه مثل البطاقات..

واذا ماهره بشئ طبخ او غيره.. اكتبيه في البطاقة وربي يوفقج..