طريقة التعاقد مع شركات الانتاج

Mo chuisle · #11 (**permalink**) 26-04-2009, 07:05 PM

ما شااااء الله .. احييك على طموحك وعزيمتك اختي .. وان شاااء الله رح يكون النجااح حليفك بعد توفيق الله ..

انا اعطيك اللي عندي وان شااء الله اكون افدك ..

اولا : اذا لك اخ او قريب يساعدك في مشروعك في البداايه رح تمشي فيه اسرع ..

ثانيا : يلزمك سياره فان واذا فيه سيارتين يكون افضل وطبعا مع موزع نشيط

ثالثا : بالنسبه للتعاقد مع الشركااات .. روحي للشركااات او المصاانع نفسها للمنتج يعني اذا ودك تتاجري بنوع بطاطس معين روحي للمصنع في المدينه الصنااعيه وخذي منهم 500 او 1000 كرتون والدفع يكون اما اجل او كاش .. وفي النهايه تاخذي المنتج بجملة الجمله .. وكذا على جميع المواد الغذانيه
والمصانع هم اللي يوصلوا منتجاتهم لمستودعك

خامسا : البيع لاجل يعني تنزلي لهم بضااعه والمره الجاي تنزلي لهم بضاعه ويحاسبوك على الفاتوره السابقه وهكذا

سادسا : انا لي قريب عنده فاان وكل اللي يعمله يمشي على الطرق الخارجيه وبيع على البقالات اللي في المحطاات صحيح متعبه لكن كل بقاله يوقف عندها يبيع لهم والدفع كاش طبعا .. وهو بس مختص طريق الدمام الرياض

سابعا : مع الخبره بالسوق رح تعرفي المواد المطلوبه والمواد اللي ما عليها اقباال وهكذا .. فالشغله يبيلها صبر كبير

ثامنا واخيرا : العامل اختي لازم يكون نشيط ويعرف يتكلم ويقنع صاحب البقااله لانه مو لوحدك في السوق ..

ويكون مع رااتبه في نسبه على البيع حتى يتحمس ويبيع اكثر

واعتذر على الاطااااله

السلاطيـن · #12 (**permalink**) 26-04-2009, 09:41 PM

اهلا وسهلا بأختي القمرروفاءءحياتي
ماقصروا الاخوان وانصحك بكلام اخي عاطل منذ 1970 واخص جملة( لانه مو لوحدك في السوق )
بخصوص التعاقد بالاتصال على الشركات وسوف يرسلون مناديب اليك وثم تتفقون على الاسعار وفقك الله
وتقبلي تحياتي
السلاطين

هتان الليل · #13 (**permalink**) 26-04-2009, 10:20 PM

بالتوفيق

Mo chuisle · #14 (**permalink**) 26-04-2009, 11:44 PM

نسيت شيء مهم ورجعت له

مثل ما فهمت اختي من كلامك الاول انه رح تكون شركه توزيع مواد غذاائيه .. يعني يكون عندك مستودع وتشتري مواد عذاائيه وتردي تبيعيها

اذا كان كذا لا تنسي انه بعض الشركاات والمصانع المحليه رح تسوق منتجاتها بنفسها يعني على سبيل المثااال بطاطس البطل الشركه هي اللي توزعه عن طريق مندوبيها ..

لكذا اختااري منتجااات تكون مثلا خليجيه او اسيويه او اوروبيه او حتى محليه بس غير متوفره بكثره في البقالاااات ..

او انك تاخذي وكاله لاي منتج غذائي وتصيري انت الموزعه له بمدينتك

والله يرزقك من اوسع ابوااابه

أحبك يازوجتي · #15 (**permalink**) 27-04-2009, 09:05 AM

حياك الله أختي

البيع بالأجل بارك الله فيك يعني انتي الحين نزلتي بضاعه عند البقاله بقيمة 2000 ريال على سبيل المثال يمكن اقل او اكثر صاحب البقاله مايدفع لك الحساب الى على الفاتوره القادمه (يعني الطلب الجاي) يعني الطلب القادم بعد شهر او شهرين على حسب الطلب تنزلين بضاعه جديده وتستلمين حساب الطلب الماضي وهكذا.

على العموم هي الشغله تعتمد على شطارة المندوب او الموزع . كـــــــــيف؟؟

الغالب في السعوديه ان الدفع يكون بالاجل اللي على الطلب القادم. لكن بعض الشركات تقول لا .. انت ياصاحب البقاله انا نزلت لك البضاعه الحين تدفع لي 25% بالميه من الفاتوره والباقي على الطلب القادم.

وبعض الشركات تقول لصاحب البقاله تدفع لي المبلغ مقسم على اربع اسابيع (يعني خلال الشهر) طبعا يعتمد على حنكة وشطارة الموزع!!!!

اختاري اي الطرق تريحك اكثر بارك الله فيك وتعاملي من خلالها . لكن انتبهي بارك الله فيك انك تعاندين يعني يمكن صاحب البقاله او السوبر ماركت يقول انا ماأقدر أدفع الان أصبر علي الى الطلب القادم قولي اوكي وبيعي له .

الاجل في السعوديه أغلبه على الطلب القادم

المعذره على ردي المتأخر لأنشغالي

عذرا على الاطاله وتمنياتي لك بالتوفيق