فضفضة عاطل

المطنوخه · #1 (**permalink**) 27-04-2009, 02:20 AM

سلخيرات

<<<يا حوبي لذا الفيس

كيفكم كلكم ؟؟
ان شالله تكونون كويسين<<<<

هذي اول مشاركه لي بالمنتدى

بتكون فضفضه في فضفضه

الفضفضة شئ جميل جدا بالحياة وكلنا محتاجينها
فاليوم موضوعنا بيكون فضفضة واي أحد بيزيد على فضفضتي الله يحييه<<<<<

فضفضتنا اليوم تتكلم عن حياة العاطل
كيف يومه
ايش يسوي

بدايتاً احب اعرف هذا المفهوم اللي كثير يمكن يجهله او يتجاهله

""هي الفتره التي يقضيها المتخرج من يوم تخرجه الى اول يوم وظيفي بحياته""
هذي الفتره تتراوح مابين 6 شهور الى-------------قد تصل الى مالا نهايه<<<<

بس تدرون شئ والله انها من اجمل سنين حياة الانسان
والأتعس حظاً بالحياه هو الشخص اللي عنده واسطه ويتوظف اول مايتخرج<<<<< فيس حاقد على الواسطات

لانك في هذي المرحله بعد ماخلصت سنين من الشقى المتواصل من حقك تاخذ لك قسط من الراحه والاسترخاء

وفي هذي المرحله تحديداً انت محسووود <<<ايه والله محسووود
عندك ثلاث نعم ماتجتمع الا بذي المرحله وهي "الصحه- والفراغ-والشباب"
وهالثلاث اذا اجتمعت ممكن تحقق اكبرطموح بالعالم

نشطح شوي معكم بفرحت التخرج<<<

طبعا اول مايجيك خبرالتخرج تعتريك فرحه عااارمه وتحس ان الحياه لونها وردي وتبدا تحلم وتحلم وتطير باحلامك للسماء <<<<لاتحلم واجد ثم مايردك الاالقاع
******

ماتمنيتك لانك كنت ابعد من خيالي ماخطر في بالي مره اني اقدر اوصلك
كنت اشوفك مثل نجم بالسمابارق وعالي يابعيد وجابك الله لين عندي وصلك
******

وبعدها تجيك التباريك والتهاني في هذي اللحظه بس تحس انك قدمت لنفسك شئ وتطمنت على بكره

بس اليوم اللي من جد اسعد من يوم التخرج هو
اليوم الاول اللي يرجعون فيه للدوامات بعد التخرج
وانت مكبر الوساااااده ونااااايم<<<<وخااااامد<<<<<تحس وقتها انك ملك
وتحس فيه بنشوة التخرج

يمر يوم يومين<<<<اسبوع اسبوعين<<<<شهر شهرين______الخ"
عندك الايام كلها يوم ربوع ويمكن كل يوم تسأل هواليوم ايش؟؟

وقتها تحس من جد مال امك داعي خلاص

قالب نهارك ليل وليلك نهار <<<ويقومونك مثل الميت للصلوات <<الظهر <<والعصر<<والمغرب<<وهنا عاد خلاص يبداء النشاط من المغرب الى الصبح بس ترى هذي القلبه عادتاً ما تطول بس هي فترة شفاحة اجازه

منت مصدق انك حر مافيه دوام ولا فيه<<<قوم ناام ترى بكره وراك جامعه>>><<يعني وناااااسه
عاد <<هنا اتذكر المقوله اللي تقول" ماهو تشاؤم والله علمتني الحياه ان الفرح اول فصول المعاناه"

هنا يبداء العاطل بالتفكير الى متى وبعدين
كل اللي براسي سويته حتى اشياء ماكنت اتخيل اني اتعلمها تعلمتها <<تصير بقدره عجيبه تعرف بالكهرب
والكمبيوتر-والطبخ-و السباكه –والرسم-وغسيل السيارات-والتدريس <<<مادري وين كانت هذي المواهب متخبيه<<<وتصير انسان مشغول من الفضاوه

كل من عنده اختبار من اخوانك رمى الكتاب بخشتك وقال اشرحلي<<< كن له فضل عليك الحين يوم تشرحله<<

وأي أحد من خواتك عندها عزيمه تناديك قبل الكل انتِ وش عندك؟؟؟ تعالي ساعديني<<<لييييش صبابه عند حضرتك <<<<<<طبعا هذي حلطمه داخليه غير ظاهره للأخرين تنبع عن صراعات بين الخير والشر<<الظاهر ابتسامه صفراويه تقول لا ماعندي شئ بجي قبل الكل اساعد حاضرين للطيبين<<<فيس قافله ام اخلاقه من حقي اجي ضيفه حالي حال الكل

والصاعقه وانت تصبين القهوه للضيوف تطمر وحده من اخر المجلس وتقول مبروووك يقولون تخرجتي
<<<<ايه ابشركم الحمد الله
<<<<كيف المعدل
<<<<<الحمد الله كويس <<< حلطمه داخليه وانت وش دخل امك بمعدلي
<<<< وش ناويه تسوين
<<<<مادري والله سواة ربي ابرك< افكر اكمل دراساتعليا<<حلطمه داخليه ياليل ماطولك
<<<<انتم شباب كسلان
<<<<ابتسامه مالها داعي شووكرن

وكل هالسالفه عشان تعلمنا ان بنتها المصون اخذت الماستر بتفوق<<<فيس قافله معه

خلاص هذي العزيمه اللي بستانس فيها جت ذي وكسرت جوي
اوووووف يالله معليش تعيشين وتاكلين غيرها

هنا يسترجع العاطل شريط حياته
دخلت الابتدائي داري انه بعدها متوسط وبعدها ثانوي وبعدها جامعه بس وبعدين للاسف مافيه طريق نسلكه

تعالو معي نسوي حسبه بسيطه لعدد السنوات اللي نقضيها بالدراسه

لوحذفنا الروضه والتمهيدي لانها اختياريه

نقول 6 سنين ابتدائي+3 متوسط+3 ثانوي+4 جامعه =17 سنه <<< والله انكم دايخين ومفهين وماعندكم سالفه الحق موب عليكم الحق علي اللي اسولف عليكم <<تطلع 16 سنه اوب 17<<<امزح لا تصدقون كملو معي

بس انا زودت سنه من عندي سبحان الله يحقد عليك دكتور ويرقعك ابو جلنبو من هنا ولا من ناك

تعريف ابو جلنبو هو حرف الF وهذي تعني بالمصطلح الجامعي رسوووووووووب <<الله يكفينا شر الF

مع كثرة الصراعات الداخليه هنا نبداء نخاف على العاطل لانه بداء يحس بالملل والطفش من كلش ويصير يتجه للنظره السوداء لكل ماحوله <<<و يهتم بسماع كل ماهو حزين
*****

اشتكي لوسادتي دنياي واسمعها تنوح كنها بعضي وبعضي وينه ومنهو معه
ااه ياجود الحزن وياي والفرحه شحوح حايرن بهمومي الغبراء بوسط المعمعه

****

حياتي كلها صبر وجلاده
وغيري عايشن عيشة سعاده

*****
لحظه هنا <<<<فرملو شوي <<<هنا العاطل وصل لمرحله ممكن توصل فيه للكاآبه
والسبب ذالفراغ اللي ذابحه
وكلووووو كووووم ويوم تجي امه ياقلبي انا<<< تقول ولدي صاااكته عين مادري وش فيه صاير ضايق
يبيلنا نوديه لشيخ يقرى عليه

ماتدري ان اللي فيه موب عين اللي فيه حاله نفسيه ويبيله دكتور نفسي يغير كل القناعات اللي درسونا اياها بالمدارس<<مثل من جد وجد<<<ياااخرطي أي جد واي وجد

واخيرا يمر العاطل بمرحلة عادي بن عادي

وهي من اخطر المراحل واخرها<<<<<وهي مرحلة تبلد الاحساس

ولا عاد يحس بالسنين اللي تمر من عمره

بس خلاص انا هنا تعبت وطولت عليكم بزياده<< يمكن يكون لها اجزاء على حسب الفضاوه

قبل ما اختم عندي سؤال بخاطري اسأله من زمان بس ماقدرت اسأله اخاف يقولون يبيلنا نوديك لشيخ يقرى عليك

بس بسألكم ياه

هو صحيح كل واحد فينا فيه نقاشات داخليه بين الخير والشر يتحلطمون جواه واحيانا يشاركهم الحلطمه
بصوت عالي اذا ماعندك احد وبصوت لا يكاد يسمع مع وجود الناس؟؟؟؟<<<<اتمنى انكم تردون على سؤالي هذا لانه بجد مشغلني والموضوع زايد هاليومين

في الختام احب اقولكم

ترى رايكم يهمني واتمنى اشوف ردوكم على الموضوع <<

دمتم بود ^ ^ اشواقي

فضفضة عاطل

إستراحة الأعضـاء

سلخيرات :do5h:

فضفضة عاطل

تسجيل الدخول

فضفضة عاطل

إستراحة الأعضـاء

سلخيرات :do5h:

فضفضة عاطل