الاخت صاحبة الموضوع
ممكن تعطينا فكره عن هذه البهارات هل هي في عبوات مغلفه ممكن تتسوق في السوبرمارات
وكم سعرها وماذا تتكون

مشكووووورين جميعا على اقتراحاتكم

اخوي تاجر شاطر

هي بهارات منوعه يعني شي خاص للجريش وشي للبيتزا وهكذا

بسم الله الرحمن الرحيم

اختي الكريمة انا عملت دراسة بسيطة قبل 6 شهور عن نفس مشروع البهارات

افضل طريقة تعملينها فيه تحطينة بأكياس مغلفه زي جوز الهند مثل ماتفضلوا الاخوان وفيه طريقة شفتها حلوة لما زرت البحرين

طبعا كيف يبيوعها علينا كل بهار بعلبة بلاستيك شفافه وعليها صورة لنوعية البهار حجمها حوالي 275 غرام زي كوب جبن البوك تقريبا اكيد تعرفينها

طبعا كل علبه بروحها والبهار مطحون

كزبرة - كمون - لومي اسود - بهار سمك - بهار مشكل - بهار لحم - بهار دجاج - فلفل احمر مطحون - كركم -بهار ربيان

كلهم مرصوصين بصينية بلاستك من ابو ريالين ومغلفات كلهم مع بعض ببلاستيك شفاف تقدرين تحطين لزق شفاف على كل صفه يعني كل خمسه بجهه


طبعا وين الفايدة بالموضوع يعني لو الكزبره غالية بتطلع الربح من اللومي الاسود لو الفلفل غالي بتطلعينه من الكمون يعني تبيعنها جمله مع بعض

كل الصينية انا اشتريتها بخمسه واربعين ريال ومرات باربعين

فيه حجم اقل بحوالي الثلاثين


طبعا كل عشر صياني تبيعهم لمحل تعطينه صينية او ثنتين بنصف السعر عشان اغراء له

التوزيع

فيه عدة طرق له فيه موزعين مصريين وهنود اللي يفرون على البقالات واللي يسافرون من منطقه لمنطقة اغلبهم يشتغل لحسابه يعني تعطينه نسبه على التصريف


الطريقة الثانية سيارة بالاقساط لو صغيرة تنشال منها الكراسي الخلفية وتنعبا صياني ياتجيبي سواق وبالنسبه طبعا مع راتب او شوفي لك عاطل من القرايب اخو ولد اخو


الشغله مربحه جدا عن التوزيع بكميات كبيرة

طبعا لازم تحطي بريستيج على العلبه يعني مثلا

مؤسسة البطاله للتعبئة
( بخط كبير تكتبي كمون )
رقم هاتف 011111 رقم فاكس 11111111
العنوان يكون عائم يعني مثلا الرياض - وتكتبين حي بيتكم بس
بخط صغير تكتبين صالحه لمدة سنتين من تاريخ التعبئة

وختم صغير مكتوب فيه تاريخ التعبئة


موفقه خير تحياتي

أحسنت تعبئة

كلام جميل وممتاز بارك الله فيك ...

أحسنت تعبئة

كلام جميل وممتاز بارك الله فيك ..كفيت ووفيت

ممكن توزعين عينات بالمجان كتجربه وتحطي رقمك عليها

معليش ممكن تخسري شوي بس راح تربحي لماتشتهري

والله يوفقك بس حطي لك حسابك المبالغ المدفوعه والارباح

وحاولي اطوري من نفسك يعني العلب الاشكال واهم شي الشغل النظيف

والله يوفقك

شكرا للجميع على الرد على مشاركتي ولله الفضل والمنه اللي يخليكم تقبلون رايي

اختي العزيزة فيه طريقتين عشان تحفظين حقك

بيعي للمندوب بيع مش دين يعني كاش بكاش بس الكاش بالسوق اكيد بيكون ارخص

ثاني شي اعرفي المندوب يعني لو فيه بقاله عندكم او سوبر ماركت تعرفونه زين هو يقدر يجيب لكم مندوب

واغلب المندوبين بتحصلينهم عند محلات بيع الجمله الكبيرة عشان يشترو جمله من عندهم واغلبهم معهم باصات مسكرة يعني من تشوفين الباص بتعرفين انه مندوب

الضمان عند رب العالمين يعني لا تأمنين ولا تخونين فيهم
فيهم ناس يدورون الحلال

وبعدين عشان الثقه تعودي تعطينه كميه بسيطه اول مره يعني من الف ريال ونازل اذا ماشيه معاك بهالموضوع وشفتي انه رجع بدري او اتصلتي عليه وقال بعتها عطيه كميه ثانيه بعد مايحاسب على الكميه اللي اخذها
والافضل كميه يوزعها وبعدين يجي ياخذ كميه ثانية وثالث كميه يحاسبك على اول كميه وزعها لان المره الثانيه يكون مر على المحلات اللي نزل عندهم وياخذ من عندهم فلوس ويعطيهم لو يبون

انا بالنسبه لي حاضر اكون لك وسيط بينك وبين مندوب او اثنين ولا ابي شي نهائي وربي يرزقك بالحلال

وهو ياخذ نسبته وانا اضمنه بس من يضمني ههههههههههه


فيه فكره جديدة جتني اليوم

عارفه العلب حقات المعمول ؟؟؟؟ البلاستيك الكبير

يعني تاخذ حوالي كيلو
هذي اوفر لك لان عدد العلب اللي محتاجه تبيعيها اقل يعني ماراح تخسري بالعلب زي الحبات الصغيرة وبعدين

تكوني بعتي كميه كبيرة وهذا المطلوب

يعني لو كيلو بثلاثين ريال او خمسه وعشرين ريال

يكفي تبيعين على كل سوبرماركت عشر حبات

راحت تكون فايدتك اكبر و المندوب ماراح يتعب معك لانه يبيع خمسين من الكبير ولا يبيع 200 صغير

موفقه اختي

تحياتي