بسم الله الرحمن الرحيم

السلا م عليكم ورحمة الله وبركاته وبعد


لا احب المقدمه او الاطاله في الموضوع


فكرتي او مشروعي

عمل واجهه او موقع الكتروني وانتم عارفين الاقبال على الانترنت في السنتين الاخيرتين المهم


والواجهه طبعا تتفرع لصفحات


وتكون الواجهه مقسمه بتقسيم مثلا

صفحه عقارات
والعقارات تتفرع الى ايجار + بيع
وطبعا كل من الايجار والبيع يتفرع للشقق + فلل + فنادق + اراضي + شاليهات او استراحات


سلع الالكترونيه
كالالكترونيات المستعمله او الجديده بجميع انواعها


مراكز تجاريه
ويتفرع الى مطاعم + مقاهي نت + ملابس رجاليه + خياطه .........الخ

شركات تصميم واستضافه
ويتفرع لشركات التصميم + شركات الاستضافه

مواقع الكترونيه للبيع
ويتفرع شبكه ومنتديات + منتديات + شات

هذه البعض وانا بس حبيت اوضح الطريقه

وطبعا كل محل تجاري او كل شخص يريد الاعلان

لسلعته او بضاعته او لعروضه يدفع في البدايه 20 ريال فقط لمدة مثلا شهر او شهرين او ثلاث

ماراح تفرق في البدايه


والفكره في داخل الاعلانات

مثلا يرفق صوره

وتكون مثلا على النحو التالي


مكتب البطاله للعقار



مكتب البطاله للعقار
بيع شراء تقسيط
مدينة حائل شارع الامير نايف بحي البطاله
جنوب مستشفى العاطلين
06550000 جوال 050000000

تكون صورة توضيحيه او صورة المكتب بمكان الابتسامه

ومع مجموعة المراكز التجاريه

يكون الترتيب هكذا

اسم المركز ________ المدينه _____ نوع المركز ______ هاتف ____ جوال

والبقيه هكذا

هذه فكره خطرت لي وهي طبعا ليست جديده ولكن

طبعا هي الفكره شامله حصلت مواقع للعقار فقط ولكن موقع شامل لكل شي لم احصل

وطبعا يكون فيه بنرات اعلانيه مدفوعه مثلا خمس او اربع اعلانات

فيها الربح مضمون وطبعا يكون السعر بالمعقول

و20 ريال للاعلان لكل محل في المملكه مغري لكل من يمتلك محل او سلع



على العموم انا كتبت هذا الموضوع واتمنى ان وصلت المعلومه الى اذهان الجميع

فياليت تشورون علي هل الفكره مربحه او مجربه

وياليت تفيدوني بخبراتكم

لان في البدايه راح يكلف الموقع كثير وكثير لانه مو مثل اي موقع استضافه ودومين وتركيب منتدى اخر اصدار وانتهينا شي معقد

واعتقد انه راح يكلف 5 الاف ريال مع تركيب الصفحات كامله والتجهيز


ومن اراد ان يشاركني اتشرف فيه


انتظر ملاحظاتكم واقتراحاتكم

كم قلت 5 الاف ريال
عزيزي لاتضحكني
أنا صاحب موقع وبقولك وش الحوسه هاذي
أول شي لما تفتح موقع عقاري لازم شروط كثيره
أول شي برمجه يبيلك شغل برمجه خاصه
وشغل البرمجه الخاصه مكلف أذا انت تبي شغل يدوم سنه على الاقل لانه اذا انشهر موقعك راح تتعرض للاختراق والهكر واذا كان المبرمج مايدل شي اعتبر على موقعك السلام
انت بحاجه لخطة ريسيلر ماهو تحجز مساحه
والريسيلر حط ببالك السنه من 2000 وطالع
أذا تبي شي قريب بالسعودية واذا تبي شي من امريكا او الدول الاجنبيه بتحصل حتى ب 800 ريال
انت تقول كل اعلان بتحطه ب 20 ريال عزيزي انتها زمان الأدله النصيه
الأن اي واحد يبي يعلن عندك يبي بنر او طيرقة البنرات يعني الاعلان نصي وجنبها بنر لشركة او المؤسسة
يعني لازم ياتكون مصمم فتشوب محترف يا ماتقدر تسوي الموقع لانه التصميم لو تكرر راح يفشل معك
أعلاناات بمواقع كبيره
تأرشف الموقع وتسويله حمايه
خرائط أرشف
ستايل احترافي لانه راح يكون موقع كبير ماهو مثل المنتديات ركب استايل مجاني وانتهينا
مره واحد طرح لي فكره جميله بخصوص هالشغلات
طال عمرك تبي الموضوع ينجح وبقووى ؟.؟
أشترك خدمة sms وضيفها للموقع وكل يوم خميس اجلس انت والشباب وسجل جميع الأرقام الي في المبوبه والي في الوسيله لمدة 3 شهور او 4 شهور وبعدين افتح الموقع وارسل رساله لكل الأرقام هاذي
وراح تشوف الأقبال قدام عينك من أول يوم
بس ترى الموقع مكلف والسعر الي انت حطيته هاذا ادنا من السعر الي انا حاطه لموقعي العادي

فكر وانتبه ترى شركات الاستضافه نصهم فاشلين
وانتبه تاخذلك شركة استضافه مصريه أقسم بالله تدفع المبلغ وترجع بالنت تدور على الشركه تحصلها اختفت من الانترنت هههههههههههههه
وبعض الشركات السعودية اسعارهم مرره نااار
والبعض الاخر خدمه أقسم بالله حرام يندفع فيها ريال

والله يوفقك
واتمنالك الخير من كل قلبي

بوسارا

ونسيت اقولك شي المواقع زي المرأه ماينفع فيها شراكه

أذا تبي نصيحة مجرب
يعني الموقع اذا بتسويه سوه لحالك والا بتدفع وبتخسر وبتطلع خمس ست خطوات للقمه وشوي الا شريكك طمع ويبي يبيع الموقع عشان يحصل مثلا 30 الف ولا يجلس يصبر ع الموقع
فقلتلك الشراكه ماتنفع أبد لافي مره ولافي موتر ولافي موقع

احساس شرقاوي

اولا اشكرك على المرور وطرح رايك وخبرتك علي

بالنسبه للاستايل اول شي الاستايل يكون للمنتدى وانا ما ابغى منتدى

لان المنتدى يبغى له حمايه قويه وثاني شي المنتدى مافيه فايده مثل الاعلان في الموقع

لكن ما اريده هو واجهه وبالنسبه للريسيلر 2500 او ثلاث الاف

من عند شركة ترايدنت او الامان وانا مجرب استضافة الشركتين بمنتديات وحمايه ماشفت افضل منهم

لو ان الامان شركه مصريه ولكن ما كل شركه نفس شركه

بصراحه لا تخاف من الشركات المصريه خف من الشركات السعوديه

لو اني ما احب افضح او اانشر فضائح الشركات

ولكن كم مره شركات سعوديه تاخذ تصاميم ووتنشرها للمواقع باسمها وعلى انه خاص للصاحب الموقع او المنتدى


وبالنسبه للتصميم الواجهه ما اراح احتاج لاي شخص للتصميم صفحاتي

لاني راح اشرف عليها واصممها انا بنفسي

فقط ما احتاجه للمبرمج خبير في البدايه

وهناك مبرمج اردني شغل مضبوط وسعر معقول

لاني ماراح احتاج الا لبرمجة الصفحات وادخال بعض الاكواد او بعض الخدمات

مثل البنرات الفلاشيه وادخال الصور عن طريق الزبون وطبعا تكون بموافقة الاداره

يكون نموذج التسجيل

على النحو التالي

اسم العميل :
رقم الهاتف
نوع العرض وتفتح قائمه مثل مافي السابق اما كان مكتب عقاري او مركز تجاري او الخ

اسم المركز او السلعه

رقم الحساب المرسل منه المبلغ
تاريخ ارسال المبلغ
وقت ارسال المبلغ

ما اعتقد انه راح يكلف اكثر من 5000

طبعا تصميم الواجه وجميع الصفحات يكون علي

يعني فقط احتاج الى استضافه وحمايه قويه

واهم شي احتاجه هو راس المال


لازلت انتظر البقيه وارائهم

لست مستعجلا ولكن لا احب ان ابدا من دون مشورتكم