السلام عليكم

ان شاء الله ما يكون الموضوع ممنوع بالقسم

بس الله لا يهينكم جدا محتاج جواب والحل لهذا الموضوع

ودي استقدم عامل للصبغ ولاعمال الديكور ، وبيكون شغلي معاه بدون محل

فمادري كيف الطريقة لهذا الشيء ، وكم التكلفة الاجمالية من تاشيرات وهالسوالف

اللي عنده الحل لا يبخل علي ، انا من مدينة الاحساء

شاكر لكم

مايصير تستقدم بدون محل وسجل تجاري واشتراك غرفة تجارية وزكاة ودخل

تكلفة التأشيرة اياً كانت المهنة 2000 ريال

وبالنسبة لموضوعك استقدمه على تأشيرة سائق خاص بس عاد لايمسكونه
هذا هو الحل المتاح !

ههههههههههههههههههه

ضحكتني الله يسعدك
يا رجل يبكوووووووووووووووك بالمراجعات والغثاء
سجل تجاري ورسوم سجل وايجار محل وعقد وتصريح بلديه وغثاء ودفاع مدني ووزارة عمل ووزارة خارجيه عشان التاشيرات وتامينات وزكاه ودخل وواصل واغلبهم بعد فيها رسووووووووووووم

الله يسعدك حبيت اوضح لك كل ذولي علشان عاملك المبجل

تحياتي لك

اذا تبي لشغل غير رسمي أو شخصي عندك بوسط كل مدينة تجمع للعمال بالسوق المركزي اللي فيها مثل الدمام شارع الخزان أو الثقبة عند محلات الجوالات أو الأحساء بالهفوف عند القيصرية,
عمال من كل جنسية مهدودين يدورون الشغل بس عملهم غير نظامي اذا انصدت رحت فيها لأنه يسمى (تستر).