السلام عليكم ورحمة الله..

الله يعطيكم العافية،،

بفضل من الله وتوفيقه الحمدلله فتحت مشروعي المتواضع لكن باذن الله بيكون واعد..وكون اني بالبداية
فمازلت اتعلم والحمدلله الناس الطيبه بكل مكان وماتقصر..واولهم بهذا المنتدى اللي استفدت منه بشكل كبير بالنصائح والاستشارات..

هو مشروعي عبارة عن محل خضار بس بديته بشكل بسيط وامكانيات بسيطة،،بس ودي اعرف كيف احسب الميزانية وكيف اعرف اني ربحت وكيف احدد المصروفات اللي احتاجها لتطوير المشروع..

الله يوفقك و ييسر امرك
هل لازم سعودي موظف الى الان

بالتوفيق

ممكن اعرف تفاصيل عن موقع المحل اذا اقدر راح اساعدك
سواء بجلب منتجات
او تسويق

والله يوفقك

الف مبرووك مقدماً

المهم في المشروع انك تسجلين كل شي
اي ريال تدفعينه اكتبيه بدفتر او بملف اكسل
واي ريال يدخل عليك سجليه

هي يبيلها بس شوية تركيز لو ماكانت عندك خبرة ابد
لأنه فيه شي اسمها مصروفات متغيره ومصروفات ثابته ورأس المال ..
المهم انه ايرادك يكون اكثر من المصروفات المتغيره ...
حاولي بس تقرأين في قائمة الدخل "المحاسبة " وبتفهمين التفاصيل
الله يوفقك ولو حابة تدخلين بالموضوع بتفصيل يمديني اشرحه لك هنا

طالب ربه

اقتباس:

المشاركة الأصلية كتبت بواسطة طآآلب ربه الله يوفقك و ييسر امرك هل لازم سعودي موظف الى الان

امين اجمعين..اللي اعرف انه صدر قرار لسعودة محلات الخضار لمن الى الان ماطبقوه في كل مكان

اقتباس:

المشاركة الأصلية كتبت بواسطة rawan9 بالتوفيق

امين واياك

اقتباس:

المشاركة الأصلية كتبت بواسطة ميرراج ممكن اعرف تفاصيل عن موقع المحل اذا اقدر راح اساعدك سواء بجلب منتجات او تسويق والله يوفقك

واياكم ..ان شالله بتواصل معكم

اقتباس:

المشاركة الأصلية كتبت بواسطة مخفي للفائدة الف مبرووك مقدماً المهم في المشروع انك تسجلين كل شي اي ريال تدفعينه اكتبيه بدفتر او بملف اكسل واي ريال يدخل عليك سجليه هي يبيلها بس شوية تركيز لو ماكانت عندك خبرة ابد لأنه فيه شي اسمها مصروفات متغيره ومصروفات ثابته ورأس المال .. المهم انه ايرادك يكون اكثر من المصروفات المتغيره ... حاولي بس تقرأين في قائمة الدخل "المحاسبة " وبتفهمين التفاصيل الله يوفقك ولو حابة تدخلين بالموضوع بتفصيل يمديني اشرحه لك هنا

الله يبارك فيك ويجزاك خير..انا ادون كل الفواتيربس اذا تقدر تبسطلي الموضوع وتشرحه بالعاميه بكون ممتنه لك لان مصطلحات المحاسبه شوي صعبه..

طيب شوفي يااستاذتي
ببساطة وبعيد عن المصطلحات المحاسبية

فيه اشياء ندفعها زي الايجارات والالات اللي نشتريها ..
شي ندفعه كل كم شهر او نشتريه مره وحده ويبقى معنا طول المشروع لين يخرب
هذه سميها مصروفات ثابته .. وسجليها لحال واجمعيها لحال

اما الاشياء اللي تشترينها كل شوي مثلا الخضار .. العلب الخشبيه .. بلاستيكيات .. مواصلات .. هذه سميها مصاريف متغيره واجمعيها لحالها برضو

وبخصوص الايرادات.. اي فلوس تكسبينها سجليه فيه واجمعيها لحالها

انتي بينك وبين نفسك سوي هالمعادلة
الايرادات - المصاريف المغيرة = ((((((مبلغ))))))
لو هالمبلغ طلع اكبر من المصاريف المتغيره معناته انتي جالسه تكسبين - ولو طلعت اقل معناته انتي جالسه تخسرين

طيب نجي للمهم
لو انتي جالسه تكسبين وقتها شوفي مثلا كم لأنه هالمبلغ المفروض انه كل فترة يعوضك عن الثابت ..
مثال
اشتريت الة تقشير بطاطس والة قلي البطاطس ب 1500 ريال ( مصاريف ثابته)
وفيه ايجار شهري 700 ريال (مصاريف متغيره)
واشتريت كرتون بطاس كل يوم + صحون + زيت ومقاضي ونقول مثلا كلفني بالشهر 1000 ريال ( مصاريف متغيره)

وكل يوم مثلا ابيع 50 صحن بطاطس الواحد ب 5 ريال دخل لي باليوم 250 ريال وبالشهر 7500
معناته ايرادي كل شهر 7500
مجموع المصاريف الثابته 1500 ريال
مجموع المتغير 1700
معناته هي اعلى من المتغير واعلى من الثابت انتي في السليم من اول شهر
ولو كان اعلى من المتغير ومشى لي نص الثابت شهرين وتغطين القيمة فبرضو بالسليم


مااعر اشرح بس يارب وصلتك الفكرة