عسى الله يوفقك ويرزقك من واسع فضله

كل شخص عنده مهارات تختلف عن الاخر ... ابحث عن الاعمال اللي عندك

رغبة وقبول بالعمل بها

اما زراعة اذا عندك مزرعة وركز على اتجاه واحد اما اعلاف او نخيل اوحمضيات

او بيوت محمية .....الخ
وأما نشاط تجاري بشرط ان تمارس العمل بنفسك محل جوالات مثلا اوخضار اوغيره

الفرص عندنا كثيرر بس تبغى واحد يجتهد ويسأل ويدرس المشروع قبل يبدأ..

الخضار والفواكه تدخل ذهب لكن متعبه ولا ينفع يشتغل فيها واحد لازم اقل شي اثنين

سعر جرم الكوسة او الباذنجان احيانا تحصله ب 12 ريال فيه تقريبا 13 الى 14 كيلو كوسة او باذنجان
وتبيع الكيلو اقل شي ب 5 ريال والحين بعض المحلات يبيعون صحن الفلين ب 5 ريال ولو توزن الصحن ما يجي 750 جرام
يعني مكسب في الجرم الواحد ما يقل عن 50 ريال كيف عاد لو باليوم تبيع 3 جروم من الكوسة و3 من الباذنجان و 3 من الجزر ...الخ

هذا من غير الطماط تحصله احيانا مفلل السوق وتاخذ كرتون الفلين ب 4 اريال وفيه 5 كيلو وعليك الحساب


شغل الخضار يطلع ذهب لكنه متعب جدا ولا يقدر يتحمله اي شخص