وش أفضل تعامل مع مسوق عقاري أو مكتب ؟

هاوي للبزنس · #1 (**permalink**) 30-06-2021, 01:48 AM

السلام عليكم ورحمة الله وبركاته
أسعد الله مسائكم وصباحكم بكل خير وسرور وسعاده
أخواني وحبايبي ربي يحقق لنا ولكم كل خير

بغيت أخذ رايكم في فكره تراودني هذه الأيام قبل كل شيء وقبل ما أبداء في الموضوع : أنا أطقطق في العقار أراضي بيوت ...ألخ (( بس ماعندي مكتب

)) والحمدلله الأمور ماشيه الله ييسر لي ولكم كل خير بس الي أبي أخذ رايكم فيه الان إذا تواصل معي بعض الزباين وعرضت عليه مثلا"

( أرض في الخبر سكنيه مساحه **** , إذا سالني وقال وين مكتبك أصدق معه وأقوله ماعندي مكتب لكن عندي مكتب المباشر أو الوكيل أو أي مكتب من الشباب وبعض الزباين يتخوف إني أكون نصاب والعياذ بالله البعض يتفاعل معي يبداء ويروح معي المكتب سواء احد معارفي او الوكيل ...ألخ وبعضهم يقول بشوف ويروح معاد يكلمني

)) ...

الفكرة : إني أسوي لي سجل تجاري لتسويق العقاري بس بدون مكتب (( يكون شغلي على الجوال واذا يبي يقابلني اجيه اي مكان يبي )) تكون على النت لاني مشترك في تطبيق عقار ومنها أسوي حسابات تجاريه بأسمي وشيء رسمي أيي صح نسيت أقولكم لان بعضهم يتخوف لمن اقوله حولي العربون على حسابي علشان كذا جتني الفكرة ومنها أسوي حسابات بنكيه تجاريه يكون شغل جميل ورسمي

وكذالك لمن أقابل رجل أعمال يشتري في العقار أعطيه الكرت بزنس بدال ماهو مكتوب تحت أسمي مسوق عقاري يكون مكتوب مثلا" المدير التنفيذي أو المدير العام ..ألخ وأسم موؤسستي العقارية

أتمنى تفيدوني الي عندهم خبره في المجال

هاوي للبزنس · #2 (**permalink**) 02-07-2021, 11:45 PM

اسعد الله مسائكم ودي تفيدوني الله يسعدكم

عبدالله ابن حمد · #3 (**permalink**) 13-07-2021, 06:18 AM

اقتباس:

المشاركة الأصلية كتبت بواسطة هاوي للبزنس

اسعد الله مسائكم ودي تفيدوني الله يسعدكم

مرحبا بك

ممتاز شغلك ممتاز دامك تصرف نفسك وتبيع وتاخذ سعيك هذا اهم شي واذا بتسوي سجل تجاري ترا بيكلفك ولازم مكتب، مافيه سجل تجاري من النت، اذا بتسوي مؤسسة عقارية ومافيها خسارة او محل! (لاني مادري وش النظام الجديد) بيكون افضل لك وأضمن للعملاء

هاوي للبزنس · #4 (**permalink**) 15-07-2021, 01:49 PM

اقتباس:

المشاركة الأصلية كتبت بواسطة عبدالله ابن حمد

مرحبا بك

ممتاز شغلك ممتاز دامك تصرف نفسك وتبيع وتاخذ سعيك هذا اهم شي واذا بتسوي سجل تجاري ترا بيكلفك ولازم مكتب، مافيه سجل تجاري من النت، اذا بتسوي مؤسسة عقارية ومافيها خسارة او محل! (لاني مادري وش النظام الجديد) بيكون افضل لك وأضمن للعملاء

هذا الي افكر فيه والحمدلله بدية وسوية لي سجل تجاري

عبدالله ابن حمد · #5 (**permalink**) 03-08-2021, 08:46 PM

اقتباس:

المشاركة الأصلية كتبت بواسطة هاوي للبزنس

هذا الي افكر فيه والحمدلله بدية وسوية لي سجل تجاري

ممتاز الله يوفقك اخوي

انا نفسك شغال فالتسويق العقاري بس عندي مشكلة! كيف اتعرف على ملاك العقار او الوكلاء؟ صعبة اغلب اللي يجوني مسوقين! يالله اني القى مالك عقار او وكيل رسمي!