السلام عليكم ورحمة الله وبركاته ......

عند اسفسارات ؟؟؟؟

1- بنسبه لحساب الموطن والتحديث الجديد ؟ هل يلزمني التسجيل فيه وهل اجبار التسجيل ؟
وهل الا مايسجل حساب المواطن بسقط من الضمان الاجتماعي ؟؟؟؟
انا دخلت حساب المواطن مطلوب تسجل جديد وبعدها خرجة ماقدر اسجل؟
لاني ما عندي صك الالكتروني والبيت بيت ورثه وحساب الموطن يريد عقد الالكتروني باسمي ؟
اما هو اختياري ؟؟؟
2- بسال عن العمده عشنا اثبات السكن ماعرفت وين العمده فيه اي دائره حكومية ؟

3- بسال عن هدف جاني اتصال لكن انا بعيده عن الجوال هل في مشكلة عندي الاتصال
وعدم الرد المشكلة هم يدقون مره واحده فقط والوقت غير مناسب ؟


شكرا لكم
وجزاكم الله خير

وعليكم السلام
لاماهو ضروري تسجلين بحساب المواطن انتي حره اذا ترغبين الاستفاده من حساب المواطن قدمي المستندات ماتبين انتي حره


المواضيع اللي كتبناها بالمنتدى بخصوص الضمان وحساب المواطن هو اختلاف المعلومات مابين الحسابين ويجب ان تكون المعلومات المسجله متطابقه فمثلا انا واولادي مسجلين بحساب المواطن بينما اثنين منهم ماهم مسجلين وبالضمان لا جميع الابناء مسجلون (هنا الاختلاف )
الشئ الثاني العنوان الوطني وأي معلومه هي تختلف مابين الضمان وحساب المواطن فتجدين بحساب المواطن مسجل انه يسكن بالمكان الفلاني ومسجل بالضمان بمكان اخر
العمده موجود ومتواجد دائما اوقات الدوام بمركز الشرطه الذي يتبع الحي الذي تسكنون به (اعملوا النموذج ويوقع عليه ومكز الشرطه يصادق على صحة توقيع العمده
هدف لازم تردون عليه وتنتبهين للجوال
الله يوفقكم

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

شكرا لك اخوي محمد البلادي على الرد ربي يبارك فيك دائما ماتقصر معنا ربي لايحرمك الاجر يارب
ربي يوفقك ويسعدك وين ما كنت يارب ويفرجها عليك يارب ....

انت طمانت على حساب الموطن مش ظروري اسجلي فيه الحمدالله .
بسالك هنا انت تقول اعملوا النموذج وش النموج الا نقدمه ترى انا اجهل هذه الامور يليت توضح لي او تنزل لي النموج عشنا اسوي مثل؟
لان ما فيه حل الا العمده والله سهل
بتعبك معي بس انت بتفرج لي مشكلة صك ...
بسالك عنا ايقونة المستدات او المرفقات غير مفعوله في الموقع الضمان الاجتماعي وش الحل ؟


وجزاك الله خير ..

طيب ابشري

نشهد نحن الموقعين ادناه بأن المواطنه ......... ورقم هويتها ....... والمواطنه ........ ورقم هويتها وهم من فئة اليتامى و يسكنون بمنزل والدهم وبشقه مستقله كما ان العداد الكهربائي رقمه ..... ونظرا لكونهما مستقلين ويعيشون مع بعضهم نشهد بذلك والله خير الشاهدين
يكتب اسم الشاهدين وارقام هوياتهم ويوقعون عليه ويصادق عليه من العمده ومن مركز الشرطه
شوفي اي مكتب حكومه اكترونيه ويرفقها بملف بي دي اف واذا وجد الصك للمنزل يرفق مع صك حصر الورثه وان كان بدون صك فيوضح باقرار الشهود ان المنزل بدون صك